الثلاثاء، 5 أكتوبر، 2010

عدنا بعد الفاصل (عندما نتربح بالجثث فماذا سنفعل فى الاحياء)

 هذا ليس فيلم  رعب  اجنبى  ولكنها مومياء  فى المتحف المصرى   اعتذر  لكم  فى البدايه على  وضع هذه  الصور    قبل الدخول فى موضوع  البوست


اعتذر على هذه الصور تانى بالرغم من انك ستشاهدها اذا دفعت تذكره ودخلت غرفه المومياء فى المتحف المصرى لترى المومياء او بالمعنى البلدى جثث اجدادك الفراعنه لا افهم فى الاثار اعلم ذلك جيدا  ولكن اريد افهم ما الجمال فى عرض الجثث وما الفائده منها  اليس الجثث مكانها القبور قد يقول لى احد من بتوع الاثار لا مكانها المتاحف حتى ترى الحضاره القديمه هى الحضاره القديمه فى الجثث ما فائده ان نرى جثث من سبقونا بهذا الشكل المقرف  وخصوصا ان كان منهم ملوك لهم انجازات مثل سقنن رع اول من حارب الهكسوس وابو الملك احمس اللى انتصر علي الهكسوس  يقول البعض لاكتشاف سر التحنيط ونسئلهم هو الجمهور الذى يتفرج على الجثث ويقرف بعدها هو اللى هيكتشف سر التحنيط  هو  الجمهور بقوا علماء كلهم ولا ايه كنت اعتقد ان العلماء ياخدوا الجثه يحللوا اللى عايزيين يحللوه  منها ويرجعوا الجثث تانى مكانها معرفش ان الجمهور له دور فى التحليل او التحليل بيبقى فى المتاحف معلومات قيمه  والله  فعلا الواحد بيستفاد كل شويه طب خلاص بلاش الراى دا البعض يقول لنعرف الناس بفن التحنيط ونرجع نتسائل بالجثث ام الكتب نعرف الاجيال بفن التحنيط
واقول انا ساخرا لنفتح فرص عمل للشباب يالا كل واحد يفتح مقبره اهله ويعمل تذاكر لمشاهده مومياء اهله هههههههه والله عجيبه الجثث لها ثمن والاحياء لا ههههه
طب ممكن عشان يبقى ليهم صوت فى الانتخابات هما صحيح جثث لكن مش فى القبور يمكن عشان كده سمعنا ان الاموات انتخبوا قبل كده ههههههه ياترى هينتخبوا مين  فى الانتخابات الجايه  
لا افهم شيئا هل هذا احترام الموتى الذى نتعلمه من دينا اى دين يقول ذلك وما الجمال فى عرض الجثث اليس الجثث مكانها القبور يمكن فى يوم نسمع اصوات غبيه تقول ما هما ماكنوش مسلمين وكانوا كفره و ليهم اكثر من ديانه انت ما بتقراش تاريخ فرعونى وعارف ان الفراعنه كان ليهم معرفش كام دين
نقول لهم احترام الموتى مالوش علاقه بدين المتوفى

فتحوا القبور واستثمروا فى الجثث
لا استحرموا ولا قالو ا عيب دول جثث
ونستغرب فى اللى بيعملوه فى الاحياء

ان كانوا بهدلوا الاموات مش هيبهدلوا الاحياء

هناك 50 تعليقًا:

re7ab.sale7 يقول...

ههههههههه
ازييييك يا عمرو معلش للتقصير والله بجد كان غصب عني مشكلة كدة في الكهربة والنت مرة واحدة
تصدق ان معاك حق اوووي
انا مش عارفة اية لازمة اني اشوف جثة زي دي ؟ طيب ما اشوف الانجازات احسن واشوف الرسومات او شكل الملك قبل ما يكون جثة , تعرف انا شفت فيلم تسجيلي عن حتشبسوت وعن توت عنخ امون بجد كنت هموت م القرف بقي الملك الجميل وحتشبسوت الرائعة الجمال يكون شكلها مقرف كدة ....كرهونا في الفراعنة كمان ...بجد بوست تستاهل علية حاجة حلوة ....وتحديدا شيكولاتة جالاكسي فلوتس ..بصصراحة نفسي فيها اوووي بس عندي حساسية م الشيكولاتة ...خدها انت بالهنا والشفا

عمرو يسرى يقول...

re7ab.sale7
وحشتينى فينك
ولايهمك تيجى فى اى وقت بس متتاخريش عليا لاحسن بتوحشينى
وشكرا على الشيكولاته
الله يخليكى وانا بموت فى الشيكولاته اوى الله يهنيكى تسلميلى بس كنتى تحددى طريقه الاستلام طيب تعشمنى وتجرى كده ههههههههه
نورتينى

سندباد يقول...

وان كنت اؤيدك جزئيا في نقطة حرمة الموتي
انما للاسف في ناس بتحب اوي الاثار اللي من النوع ده
وده بيجيب عملة صعبة للبلد
هو موضوع معقد شوية وصعب ندي في راي قاطع
انما عاجبني ان اختيارتك لمواضيعك بتكون جديدة وجريئة
تحياتي

خواطري مع الحياة يقول...

ههههههههههههههههههههههههههههههههههههههههههههههههههههههههههههههههههه
السلام عليكم
اسفة على الضحك دمك خفيف كلامك فيه نوع من السخرية
هم ليه بيعرضوهم مين ده الي يحب يتفرج على جثث
اكرام الميت دفنه
بسئل نفس من زمان هم ليه الزوار بيستكتعوا برؤية الجثث يعني هو فيلم رعب على شاشة ثلاثي الابعاد ولا ايه
ههههه
والي بيفور دمكي اكتر لما الزوار بيفرجوا على الجثث ويقولا لسه زي مهو متغيرش ليه انتو كنتوا تعرفوه
دنيا تشوف فيها العجب
سلامي

مها البنا يقول...

دى صور رمسيس التانى أظن واللى إستغرب العالم كله لمدى قدرة التحنيط على حفظ الجثث لألاف السنين.

عرض الجثث دى فى المتحف لنفى ان التحنيط عند الفراعنه كان إشاعه .. وخلى بال حضرتك مش كله بينظرلهم نظرة القرف دى

لكن بيشوفوها بإنبهار فظيع وتعجب من مدى التقدم والاسرار العلميه اللى وصل ليها العلم الفرعونى

أما بقى من حيث الأديان .. فانا موافقه حضرتك جدا ان حضارة الفراعنه ارقى بكتير من مجرد حفظ الجثث واثباتاتها لا تخفى على عين ولا داعى لنبش حرمات الجثث

ولكننا الدوله الوحيده التى يصرف موتاها على أحيائها.

ملحوظه على جنب
أنا مش عارفه الخط بقى صغير ولا انا اللى بقى نظرى أضعف من الأول؟ معرفتش اقرا ولا رد من الردود على حضرتك وقريت البوست بالعافيه.

تقبل تحياتى

شهرزاد يقول...

والله يا اخي انت تستهزئ من كثر الالم وهذا ما يدل عليه موضوعك الشيق الذي عالج موضوعا مهما
سلم قلمك

جايدا العزيزي يقول...

ههههههههههه

على فكرة انا ما تخدتش

اصلى بمووووووووت فىافلام الرعب

يعنىقلبى جامد

عندك حق طبعا

انا قريت كتب عن موضوعك

فتح المقابر اعتبرها جريمه

لان الاموات لها حرمه

موضوع حلو عجبنى

تحياتى

قهوة بالفانيليا - شيماء علي يقول...

اهو معرض المومياوات دة اكثر حاجة مثيرة للغثيان شوفتها في حياتي
دخلته مرة و انا في ثانوي .. و طلعت منه متضايقة اوي اوي ..
يا ريت يلغوا فكرة المومياوات دي .

جنون عـبقري يقول...

والله صدقت أخي في الله لم يحترموا الأموات فكيف بهم يحترموا الأحياء!!

بارك الله فيك على موضوعك القيم

gogo!sf يقول...

انت يعنى يا عمرو اتكلمت عن كل حاجه وعندك حق فيها طبعا

بس ما اتكلمتش عن الاستغلال
هما بيدورو على اى حاجه يعرفو يلمو بيها فلوس وخلاص وبعدين هى تصاريح فتح القبور بقت بكل سهوله كده

واهو فى الاخر يقولك ده تاريخ مصر

وانت ياسيدى يا ابو قلب جامد ازاى تدخل مقبرة ويجيلك قلب تصور جثث
انت قلبك قاسى اوى اوى

محمد الجرايحى يقول...

السلام عليكم ورحمة الله وبركاته
نعم إكرام الميت دفنه بغض النظر عن ديانته...
ولكن ربما أراد الله تعالى أن يجعل من هؤلاء المتجبرين عظة وعبرة لعل غيرهم يتعظ....

محمود(باحث عن حب) يقول...

هل
احفاد احفادنا
هيفتحوا قبورنا
ويستثمروا فى
جثثنا
؟؟؟
سؤال يطرح نفسه

الــحــــنـــــــــــــــــــين يقول...

سبحان الله بجد شوووووووووووووف من كام الف سنة ولسه موجودين واحنا دلوقت بكل العلم ده ايدينا على خدنا يافرعون ايه فرعنك
تحياتى ليك

ghada mOhsen يقول...

هلا عمرو
^^

أول مره أدخل مدونتك وإن شاء الله مش الأخيره
وبجد بعتذر على تقيري في جميع المدونات
بس إعتبرني مُدونه شبه كسوله
أقرأ بس ماعلقش إلا أحيانا
:)))))))))
.................
نيجي لموضوع البوست بقى
أنا الحمدلله مش من النوع إللي بخاف من مناظر مش ولابد ... بعرف أمسك نفسي ...

بس أنا معاك مائة بالمئة إن للموتى إحترامهم مهما كان
مهما كان صاحب الجثه فمن متى كانت للفرجه
ربنا يهدينا بس ...

طريقة كتابتك ساخره هادفه أحييك عليها ^^ ..

بقولك إيه على جنب كده
لما رحاب صديقتي الصدوقه تجيبلك شيكولاته تيقى تخبيلي نصيبي ياااريت
هي معاها حساسيه بس أنا لا
ههههههههههههههههه
...........
سعدت بوجودي هنا وبعتذر على الإطاله

تحياتي الملونه لقلمك
^_^

عمرو يسرى يقول...

سندباد
طبعا فى ناس بتحب الاثار اللى من النوع ده زى مافى ناس بتحب افلام الرعب اللى فيها دم ووشوش غريبه
بس فين احترام الموتى وياترى احفادنا هيجمعوا عظامنا ويعرضوها فى متاحف وهو كل اثار
شكرا لكلامك الجميل
نورتنى

عمرو يسرى يقول...

رشا
هههههههههه
من سنهم بقى
كلامك جميل مااقدرش اقول حاجه عنه
نورتينى

عمرو يسرى يقول...

مها البنا
للاسف مش فاكر صور مين ديه
و طبعا فى ناس بتحب الاثار اللى من النوع ده زى مافى ناس بتحب افلام الرعب اللى فيها دم ووشوش غريبه
بس فين احترام الموتى وياترى احفادنا هيجمعوا عظامنا ويعرضوها فى متاحف وهو كل اثار
بالنسبه للملحوظه
هو انا كاتب بنفس الخط اللى قبل كده بس ممكن تكون الويندز عندك حد مصغر الخط فيها على العموم هحاول اكتب بخط اكبر المره الجايه
شكرا ليكى

نورتينى

عمرو يسرى يقول...

شهرزاد
شكرا ليكى
نورتينى

عمرو يسرى يقول...

جايدا العزيزى
شكرا على كلامك الجميل
نورتينى

عمرو يسرى يقول...

قهوة بالفانيليا - شيماء علي
عندك حق
يارب يتلغى
نورتينى

عمرو يسرى يقول...

جنون عبقرى
شكرا لك
نورتنى

عمرو يسرى يقول...

gogo!sf

انا اتخدعت انا كنت رايح المتحف المصرى معرفش انه مقابر هههه
اما عن الاستغلال فى من غير ما اتكلم عنه بشكل واضح هو نفسه واضح
اما عن التصوير مش محتاجه قلب جامد المهم الكاميره تبقى قلبها جامد هههههههه
نورتينى

عمرو يسرى يقول...

محمد الجرايحى
العظه ماحدش هياخدها بالجثث
اعرف حكايته تتعلم وتتعظ مش تشوف جثته
نورتنى

عمرو يسرى يقول...

محمود
سوال فى الجون
تسلم
نورتنى

عمرو يسرى يقول...

الــحــــنـــــــــــــــــــين
شكرا لك
نورتنى

عمرو يسرى يقول...

ghada mOhsen
ولا هيمك بس اتمنى تعتبرى المدونه مدونتك
شكرا على كلامك الجميل

انما بالنسبه لشوكلاته الاستاذه رحاب
هجبليك زيها بالظبط لاتقلقى
نورتينى

Noha Saleh يقول...

اصل الحاجات دى فى الناس اللى بتهواها وتحبها
زى افلام الرعب كده بس دى بقى على الطبيعة
تدفع تذكرة وتدخل تشوف الجثة قدامك انا زمان كنت بحب اوى اشوف افلام الرعب وجايز لو كنت لسة بحبها كنت هكون اول واحدة دافعة التذكرة وداخلة اتفرج على المومياء لكن دلوقتى انا بشوف انها حاجة سخيفة

طوبه فضه وطوبه دهب يقول...

بص هو فن التحنيط اكثر ما انا شيفاه بيدل على روعه الفراعنه شيفاه بيوحى اكثر بقدره ربنا فى تعليم خلقه مالم يتعلمه سواهم وهذه الموميات لم تكن بمجرد جثث انما تحمل حضاره سبعه الالاف عام شهدها العالم فى عصر الظلمات والتخبط فى الجهل حتى جاء العصر الاسلامى وملئه نور اكثر واكثر فهى تحمل مراحل ومعجزات عهد وفتره لا يستهان بها وسر من اسرار الحياه لم نعلمه نحن ولا العالم اجمع رغم كل ما توصل اليه وهو فن التحنيط ان تحتفظ بجسد كامل طوال تلك السنين دون تحلل او ضياع اى من معالمه فقد يكون تأخرنا وانشغالنا بفتات الحياه ولقمه العيش منعنا من الاستمتاع بالخوض فى هذا العالم وفهم اسراره ولكن كل علماء العالم مازالوا يبحثون وينقبون فيه فإن كنا نعجز عن نسج الحاضر فلنترك حتى لانفسنا ماضى نفتخر بيه فلعله يصير يوما سبب لنعود كما كنا

ميس فلسطين يقول...

اول حاجه ميرسي على الموضوع
ثاني حاجه الناس بتعتز ب الفراعنه ليه ..مثل المعلق بقول الفريق الفرعوني يقول فريق مصر
مهم كفار ليه الناس بتعتز فيهم كده
تحياتي

داليـ ـ ـ ـ ـ ـ ــــا يقول...

هى فعلا حاجه عجيبه
ومفهاش اى نوع من الاستمتاع ان يبقا ليها متحف والكل يتفرج
دا حضرتك وانتا عارض الصور هنا يدوب بصيت عليها بالقوه
يبقا مش معقول اروح ادفع تذكره واقف اتفرج

يالا كل واحد يفتح مقبره اهله ويعمل تذاكر لمشاهده مومياء اهله

دى جملتك وانتا قولتها وانتا بتضحك عشان متأكد ان مافيش عاقل يعمل كده

خواطر مراهـــــ استثنائي ــــــق zikoniss يقول...

اتمني لك التوفيق

^_^

يوميات شحات يقول...

شكرا على البوست القوي

عمرو يسرى يقول...

نهى صالح

انا مش شايف جمال فى الحاجات ديه
وكمان ده عدم احترام للاموات

نورتينى

عمرو يسرى يقول...

طوبه فضه وطوبه دهب
معاكى نفتخر بيه ونكتب عنه ونعلمه للناس ويجب ايضا نحافظ عليه
هل عرضه ده محافظه عليه وهل فى حد بيتعلم حاجه لما بيشوف الممومياء ديه
نورتينى

عمرو يسرى يقول...

ميس فلسطين
اولا الفراعنه ليس كلهم كفار فيوجد منهم موحدين ايضا والناس بتفتخر بيهم لانهم صنعوا حضاره
واى حد يصنع حضاره يجب على الناس ان تفتخر بيه لانه اهل لذلك
زى ما العالم دلوقتى بيفتخر باى عالم حتى ولو لم يكن مسلم فمن يصنع حضاره
كلنا نفتخر بيه مهما كانت ديانته
فمن الطبيعى الا نفتخر بمسلم وجوده زى عدمه ونفتخر باى حد غير مسلم لو بيصنع حضاره فنحن نفتخر بالحضاره الفرعونيه ونفتخر بالحضاره الاسلاميه ونفتخر باى حضاره جديده او قديمه
ثانيا شكرا على كلامك الجميل
نورتينى

عمرو يسرى يقول...

داليـ ـ ـ ـ ـ ـ ــــا
كلام مظبوط
تحياتى
نورتينى

عمرو يسرى يقول...

خواطر مراهـــــ استثنائي ــــــق zikoniss
شكرا على كلامك الجميل
نورتنى

عمرو يسرى يقول...

يوميات شحات
شكرا على كلامك الجميل
نورتنى

سواح في ملك الله- يقول...

اخي عمرو السلام عليكم فاتك يااخي ماذكر في القران الكريم ان الله وعد فرعون بعد غرقه ان ينجيه ببدنه ليثبت الله للناس ان فرعونا لم يكن الها والا مامات(، فلما توسط فرعون ومن معه أمر الله البحر فأطبق عليهم فغرقهم أجمعين ، فلما أدرك فرعون الغرق قال : " آمنت أنه لا إله إلا الذي آمنت به بنو إسرائيل وأنا من المسلمين " يقول الله عزوجل : " الآن وقد عصيت قبل وكنت من المفسدين " يقول : كنت من العاصين " فاليوم ننجيك ببدنك " قال : إن قوم فرعون ذهبوا أجمعين في البحر فلم ير منهم أحد ، هووا في البحر إلى النار ، وأما فرعون فنبذه الله وحده فألقاه بالساحل لينظروا إليه وليعرفوه ليكون لمن خلفه آية ، ولئلا يشك أحد في هلاكه ، وإنهم كانوا اتخذوه ربا ، فأراهم الله إياه جيفة ملقاة بالساحل ليكون لمن خلفه عبرة وعظة ، يقول الله : " وإن كثيرا من الناس عن آياتنا لغافلون " .

عمرو يسرى يقول...

سواح في ملك الله
لم تفوتنى هذه الايه فاعلم ان الله نجى جسد فرعون ليشاهد من كانوا يعبدونه انه هلك وهذا كان الغرض ان يرى من كان يعبده انه هلك ليحكى لمن بعدهم ان فرعون هلك
وليس ليشاهد العصور التى تليه جسده
هل حضرتك لو شاهد جسد فرعون وجسد اى حد تانى هتعرف مين فيهم فرعون
بالطبع لا فالذى هيبقى امامك قصته من من شاهده فقط
فكان الغرض من ان ينجى الله جسد فرعون ان يرى من يعبده انه هلك وليس للمتاجره بجسده مثل ما نفعل
وارجوا منك لو كان فى حديث تعرفه عن اى حد من الصحابه او الرسول صلى الله عليه وسلم ان عندما نزلت هذه الايه اخذهم يشاهدوا جثه فرعون للتاكيد ياريت تخبرنى حتى استزيد من العلم
نورتنى

سواح في ملك الله- يقول...

اخي عمرو شكرا لك \بس فيه ملحوظه انا بعتقدها صح يعني لو انت او اي حد تعرف ان واحده من الجثث دي جثه فرعون فيه واحد ممكن يشوفها ويتعجب من تمثيل الله بجثته وفي واحد تاني متشدد ممكن يعتقد انه بيغضب لله ويفتك بالجثه او يدمرهاوتضيع الحكمه من وجودها وانا شايف انه من حكمه ربنا انه اظهر الجثه واخفاها في نفس الوقت ده اعتقاد مني ولا استند الي اي احاديث شكرا

عمرو يسرى يقول...

سواح في ملك الله
اعتقد ان المسلم لاينتظر رويه جثه العاصى ليومن بالله وعظمته لان كلنا كبشر سنموت الذين يعصون الله والذين لايعصون الله وبالتالى لايوجد اهميه لروئيه الجثه بل ناخذ العبره بالقصه وباى حاله وفاه تحدث وليس بروئيه الجثه
فلا داعى لرويئه الجثه
وفى كل عصر كان فيه عصاه
وان كان فى اهميه لروئيه جثه فرعون
فكان من الادعى ان نرى جثه ابو لهب
الذى ذكر اسمه صريحا
ولا ايه
ليس بالجثه ناخذ العبره ولكن بالموت نفسه
نورتنى

سواح في ملك الله- يقول...

" وإن كثيرا من الناس عن آياتنا لغافلون "

قول ياااارب يقول...

ههههههه سؤالك فعلا حلو ليه سايبين الجثث ؟
هو ممكن يكون فيه كام اجابه
ممكن سابوها علشان الناس اللى تروح تشوفها تتخض ويجيلها اغماء وقرف وتموت اثر ذلك الارف وكده يبقى خبطوا عصفورين بحجر ويخلصوا من الشعب اللى مطلع عين الحكومه هههه
وجايز لان مفيش عندنا اماكن للدفن حضرتك لو نزلت المقابر هتلاقى اللى عايش فيها حاليا الاحياء وليس الاموات
وجايز بقى قالوا مين اللى هياخد العزاء بعد الدفن وقرايب المتوفى كلهم ماتوا مايمكن يخرجوا الشعب المصرى كله ياخد العزا مش اجدادنا بقى ههههههههه
اسفه على الاطاله ولكنى فعلا لا اجد اجابه لسؤالك

غريب يقول...

مساك اله بالخير

صدقت اخي الفاضل

انعدم الحياء في من لم يعهدوا حياء في حياتهم

أظن بأنهم جثث متحركة لمسوخ نتنة تنهش في خاصرة الامه.

ربما يطمح الكينج من حكامنا في ان يحنط ويعرض في متحف بباريس بعد مماته ليقال عنه هذا مبهدلهم؟ ليظل الفرنسيون العوام يتسائلون عمن هم الذين يبهدلهم المحنط الماثل في قفص المتحف؟ّ!

ربمااااا


لك مني تحية وسلام

تويتي فلسطين يقول...

تسلم على الموضوع

بس ليه الصور المرعبه دي

عمرو يسرى يقول...

سواح في ملك الله
عندك حق نورتنى

عمرو يسرى يقول...

قول ياااارب
وجهه نظر تحترم
نورتينى

عمرو يسرى يقول...

غريب
ادعلهم
نورتنى

عمرو يسرى يقول...

تويتي فلسطين
الصور غير دليل بشاعه ما يحدث
نورتينى

Follow by Email

Tetris