السبت، 18 سبتمبر، 2010

جوايا نص حاله

جوايا  نص حاله  ما يقدريعبر عنها اللسان
ولا عارفه هى تعبر عن نفسها فى اى مكان
 جوايا نص حاله احيانا بتقتلنى
واحيانا  بتموت من نفسها وهى اصلا حاله بلا معنى
معرفش  انا شمسى امتى  هتشرق
 يمكن خايف  اغرب انا  قبل  ما تشرق
جوايا نص حاله
 رجلى بتخطى  الخطوه وبترجعها تانى
وبلاقى نفسى واقف فى مكانى
كل ما افكر فى  نفسى
  يجى عقلى  وينسانى
تتوه نفسى جوايا
ويضيع  عمرى جوايا
جوايا نص حاله
جوايا حاله ناقصه  مش عارف  اوصفها
بس اهى جوايا  مش عارف اخلص منها
حوايا نص حاله
 لو انا مش هعرفها
مين غيرى هيعرفها
يعنى هيجى حد بالنيابه عنى و يعرفها
جوابا حاله لازم اعرفها
جوايا نص حاله
يمكن اكون انا بحاله
يمكن يكون ناقصنى حاجه
جوايا نص حاله
جوايا نص  حاله بحاله
ساعات احس بيها
وساعات اعديها
جوايا نص حاله  بحاله


هناك 26 تعليقًا:

شهرزاد يقول...

ما تحملش هم كلنا فينا تص حاله ان مكانتش حاله
اقولك خلي المركب سايره دا احسن
الله يعينك

الحب الجميل يقول...

جميلة...
تسلم إيدك
تحياتى

mrmr يقول...

انت فكرتنى بالفيلم بتاع اسماعيل ياسين مع المجنون
هو بيقوله
اصل انا عندى شعره ساعه تروح وساعه تيجى ههههههه
كلنا كده متزعلش عندنا نص حاله
وعندنا ساعه تروح وساعه تيجلى دى طبيعه بشريه فلا تتالم

تحياتى اليك

جايدا العزيزي يقول...

جميله جدا يا اخى

قدرت تعبر عن شئ بداخل كل منا

تحياتى

Ramy يقول...

نص حاله

مش عارف ايه هى

بس مفيش غيرك عرفها

و مفيش غيرك حاسس بيها

محدش هيطلبك توضحها

بس هتفضل نص الحاله

لحد متلاقى اللى يكمل معاك الحالة

جميلة يا عمرو

تسلم ايدك

انا كاتب بوستفيه نفس الفكرة بس لسه منزلش (:

ربنا معاك

Noha Saleh يقول...

ساعات فعلا الواحد بيحس بالحالة دى
ومن كتر ماهو مش عارف يفسرها ومش بيعرف
بيستنى التفسير من غيره بس للاسف مش هينفع
جميلة التدوينة دى

عمرو يسرى يقول...

شهرزاد
الله يخليكى
وتنورينى دايما

عمرو يسرى يقول...

الحب الجميل
نورتينى

عمرو يسرى يقول...

مرمر
الله يخليكى
وتنورينى دايما

عمرو يسرى يقول...

جايدا العزيزى
الله يحليكى
شكرا لكلامك الجميل
نورتينى

عمرو يسرى يقول...

رامى
الله يخليك
مستنى بالويت بتاعك
نورتنى

عمرو يسرى يقول...

نهى صالح
الله يخليكى
وتنورينى دايما

محمود(باحث عن حب) يقول...

الله
كلماتك جميله كالعاده
دمت بخير

جنون عـبقري يقول...

جميعنا أنصاص حال نشكي حالنا لله عز وجل ..سلمت الأنامل

عاشقه وبدوب ف حبيبي يقول...

تدوينة رائعه اسفه اتاخرت بس كنت مسافره والله تقبل مرورى ومستنيه جديدك يا عمرو...منه

رشا يقول...

السلام عليكم
ربنا وحده العالم هو داخلك ايه
خواطر حلوة وبتعبر عن احساس الي هو احساسك
جميلة وان شاءالله تعرف ايه هي النص الحاله دي.
سلامي.

فتافيت يقول...

ياااااااااااه
كلنا عايشن نص حالة.. لا نصات كتير لحالات كتير

على فكرة كلامك زود الاكتئاب عندي
ده مش شيء وحش .. ده معناه اني حسيته

Anonymous يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

ساسو يقول...

كلماتك جميله جدا يا عمرو
واحساسك رائع
دام قلمك يخط جمالا

عمرو يسرى يقول...

محمود
شكرا على كلامك الجميل
نورتنى

عمرو يسرى يقول...

جنون عبقرى
نورتنى

عمرو يسرى يقول...

عاشقه وبدوب ف حبيبي
شكرا ليكى
نورتينى

عمرو يسرى يقول...

رشا
شكرا على كلامك الجميل
نورتينى

عمرو يسرى يقول...

فتافيت
ربنا يسعدك واسف لو خليتك تكتئبى
نورتينى

عمرو يسرى يقول...

غير معرف
من الافضل ان تعرفنا بك

عمرو يسرى يقول...

ساسو
شكرا على كلامك الجميل

نورتينى

Follow by Email

Tetris