الأربعاء، 15 سبتمبر، 2010

انوار الشوارع منوره الصبح لتخفيض الكهرباء بالليل

انا مش بهييس اتفرجوا على الفديوه ده وانتم تعرفوا ان العنوان مش تهييس
التصوير يوم 4/9/2010 وعلى طريق المحور .
معلش البوست ده متاخر كان المفروض اضعه بدرى شويه  
  video
كنت على طريق المحور وكان اغلب انوار الطريق منوره ولكن للاسف كما فى الفيديو فى عز الظهر والدنيا اصلا منوره والحكومه تريد تخفيض الاعباء عن الكهرباء وتقطع النور بالليل وتضلم الشوارع وتعمل لمبه ولمبه شوفته المسخره ينورها الصبح ويضلموها بالليل والسوال هل الدكتور احمد نظيف رئيس الوزراء و احنا عارفين انه بيسكن فى محافظة 6 اكتوبر لم يشاهد ابدا هذا المنظر  هل الزجاج الفيميه بتاع العربيه بتاعته منعه من ان يرى الانوار منوره فى عز الظهر ولا لانه لا يغادر منزله ابدا ولا ايه  

الغريب اننى من فتره كنت راجع من السفر بالليل والطريق كله ضلمه النور مقطوع علشان الحكومه بتخف الاحمال لان الناس فى عز الحر بتشغل التكيفات وده بيزود الضغط على الاحمال وطبعا الناس اللى فى القرى اللى على الطريق الزراعى واللى ممكن يكونوا مايعرفوش يعنى ايه تكييف اساسا هما اللى ضغطوا على الاحمال ازاى ده شغل الحكومه اللى بتقطع الكهرباء ساعتين او اكثر فى بعض الاماكن يوميا وتترك البعض الاخر اصل قالت ليا اختى  وهى مستغربه ان شركه الكمبيوتر اللى بتشتغل فيها اللى فى مدينه نصر لاينقطع النور فيها صبح ولا ليل والكورسات شغاله فيها صبح وليل بدون مشاكل تذكر الشركه التى بها اكثر من تكييف واكثر من جهاز كمبيوتر بيشتغلوا صبح وليل على حد تعبيرها وقالت ليا كمان ان مره النور قطع عندهم الصبح نص ساعه اتقلبت الدنيا وزمايلهم اللى فى مدينه نصر كانوا مستغربين ازاى النور يقطع كل الوقت ده وكانوا اول مره يعرفوا ان النور بيقطع  اصلا فى الايام ديه  بالرغم من ان النور وقتها كان بيقطع فى بيتنا بالساعات وده طبعا لان الشركه وسكان مدينه نصر لايضغطوا على الاحمال ازاى ده شغل الحكومه ولكن احنا بتوع شبرا والناس التانيه بتوع القرى اللى على الطريق الزراعى تكيفتنا باظت من كتر الاستعمال وقاعدين بنتضغط على الاحمال دا احنا بقينا اوفر خالص ده طبعا كلام الحكومه
الحكومه التى لا اعرف هل بتاخذ حبوب هلوسه ام انهم مهلوسين خلقه ربنا ولا ده تكمله للضغط على المواطن البسيط لحساب الناس الكبيره هل وزير الكهرباء حسن يونس النور كان  بيقطع عنده بشكل يومى ولا ده مواطن غلبان استهلاكه استهلاك بسيط لايضغط على الاحمال
حسبنا الله ونعم الوكيل فيهم جميعا
انوار الشوارع تنور للناس فى عز الظهر
اصل الدنيا بتبقى ضلمه فى عز الظهر
وعشان نخفض الكهرباء نضلمها عليهم بالليل
اصل الليل كله نور معقول ننورلهم بالليل
ده اكيد كلام حكومى اسم الله عليهم
ربنا يضلمها عليهم
ومش هقول يارب اخرب بيتهم
ماهو لو اتخرب هيجى علينا مش عليهم
ما هما بيعوضوا الخسائر على حسابنا
حسبنا الله ونعم الوكيل
حسبنا الله ونعم الوكيل


هناك 34 تعليقًا:

Noha Saleh يقول...

انا عاوزة اقولك ان مش بس المحور اللى كده
فى طرق تانية كتير
وينطبق القول بالتأكيد على محافظات تانية
وفى الاخر نرجع نقول الناس هى اللى استخدامها فى الكهرباء زيادة ويقطعوا النور

الــحــــنـــــــــــــــــــين يقول...

انا عجينى كلامك اوى وضايق نفسك ليه ده رئيسنا مبارك ورئيس الحكومة نظيف ووزير التجاره رشيد ووزير التعليم ذكى واللى جى كله جمال اصلها لا باظت ولا خربت ولا جابت جاز لامؤاخذه ربنا على كل ظالم

mrmr يقول...

لما كل ده يحصل فاطمئن يا اخى واعلم جيدا
انك انت اكيد فى مصر
ولا تزعل لا تتضايق ياما دقت على الراس طبوول ولسه ح تدق
وعجبى

علاء المصرى كل يوم يقول...

هون عليك عمرو

ولا تتعجل أذا كانت الأنوار تضاء نهارا وتظلم ليلا فعن قريب سيروننا الظلام بالنهار صبرا بالله

re7ab.sale7 يقول...

صباح الورد الاول
مش حاجةغريبة ابدا
ده من قبل ما يقولوا تخفيض الكهرباه والكلام ده وهو ده اللي بيحصل
طرق مضلمة بالليل ومنورة بالنهار
زي ما تقول كدة احنا في دولة وهما في دولة تانية عندهم اليل بتاعنا نهار ونهارنا ليلهم
الله المستعان

ابراهيم رزق يقول...

يقال ان الانسان ميعرفش قيمةالحاجة الا لما ينحر منها
وبناء عليه هما بس عايزنا نحس بحلاوة الكهرباء وقيمتها
عليهم نور اقصدى عليهم (ايمن) نور
تحياتى ابراهيم رزق

شهرزاد يقول...

ولا تزعل روحك خليك كوول دا هو المطلوب

اخي الظلام ظلام الروح والبصيرة و النور نورالنفس والروح

ولا تزعل في رب بيراقب كل دا
ما حنا جينا في الزمن الصعب
الله يهون علينا

خابت بك ظنوني يقول...

لا يسعنا سوى قول

حسبنا الله ونعم الوكيل

عمرو يسرى يقول...

نهى صالح
عندك الحق احنا فعلا اغلب شوارعنا انوارها بتنور الصبح و فى المساء الشوارع منوره ب ناسها
نورتينى

عمرو يسرى يقول...

الحنين
فعلا احنا اغلب اسماء الوزراء اسماء مش على مسمى
نورتنى

عمرو يسرى يقول...

مرمر
عندك حق ولسه ولسه يا ما
نورتنينى

عمرو يسرى يقول...

علاء المصرى كل يوم
اعتقد ان اغلب الناس شفته خلاص الظلام بالنهار ده
نورتنى

عمرو يسرى يقول...

رحاب صالح
بينا وبينهم فروق توقيت يارب تزول فروق التوقيت ديه قولى امين
نورتينى

عمرو يسرى يقول...

ابراهيم رزق
هى تمشى ههههههه
نورتنى

عمرو يسرى يقول...

شهرذاد
امين يارب يارب هون علينا
كلامك حكم
نورتينى

عمرو يسرى يقول...

خابت بك ظنونى
اسعدنى زيارتك
نورتينى

ساسو يقول...

هي دي مصر
وهو دا حال الدنيا
حسبي الله ونعم الوكيل
ولا تزعل نفسك خالص
خليك كول في اللذيذ

أتنين حبيبين يقول...

ازيك يا باشا

اخبارك ايه

بصراحه حاجه تخنق

اعباء ايه اللى بيتكلموا عنها
وارواح الناس دى حاجه سهله

بجد ملناش غير ربنا

وحسبى الله ونعمه الوكيل

وعلى رأى الشاعر
هى دى مصر يا عبله

أتنين حبيبين يقول...

ابقا طمنى عليك

منتظراك

Tears يقول...

البلد فوضى فى كل المناحى و لو الشعب استمر فى سلبيته يبقى يستحق الحرق

عمرو يسرى يقول...

ساسو
اسعدتنى زيارتك
نورتنى

عمرو يسرى يقول...

أتنين حبيبين
اسعدتنى زيارتك
نورتينى

عمرو يسرى يقول...

أتنين حبيبين
انا بخير
الله يخليكى

عمرو يسرى يقول...

Tears
لنا الله
نورتينى

مها البنا يقول...

أول مره أقرا بوست ومش أكمل قرايته

حاسه إنى تعبت من كتر الفساد

عندى حالة (قرف) ومش مستحمله أسمع عن الحال اللى وصلت ليه بلدى أكتر من كده

فعلا حاسه انى موجوعه قوى على مصر

فعلا بعتذر عن عدم القراءه .. لم يعد بى من الأعصاب ما يحتمل المزيد

تقبل مرورى وإحترامى

عمرو يسرى يقول...

مها البنا
دا انا اللى اعتذر ليكى انى تعبتك من الاخبار ديه بس اعمل ايه الموجود حوالينا بس لا تزعلى على مصر بالرغم كل ده لسه فيها حاجات حلوه

رشا يقول...

السلام عليكم
كلامك زين العقل
ده حال بعض الدول اعلربية
النور مقطوع لساعات
وقالوا نخفف
طيب باخر الشهر لما تيجي الفاتورة الكهرباء بالالاف تعمل ايه
نقول ايه
ده عندنا زودوا بالكهرباء50% عشان ايه
عشان يعملو محطة جديده للكهرباء
كلام كله كدب
ده الكهرباء بتقطع باساعات 12 ساعة 5 ساعات
لكن هنعمل ايه؟
ربنا على الظالم.كل ظالم امرة لله
يمهل ولايهمل؟هيجيهم يوم يحسوا بينا
ممكن تقبلني ضيفة دائمة بمدونتك.
سلامي

علاء المصرى كل يوم يقول...

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

ميس فلسطين يقول...

ده توفير هههههههههههه
انتو عايشين بلعكس

شكرا تحياتي لك

عمرو يسرى يقول...

رشا
نورتينى
اتمنى انك تعتبرى المدونه بيتك

عمرو يسرى يقول...

علاء المصرى كل يوم
نورتنى

اوكى هروح عليها على طول

عمرو يسرى يقول...

ميس فلسطين

نورتينى

nour shahen يقول...

يا اعمى النظر نورتها علينا بالنهار وربك قادر
طيب وفر الكهربا لبليل يا رب علي الغباء يا ساتر
عايز توفر كهربا وبتموتنا فى عز الحر
وبتدعينا نطفى النور وساعه للارض منغير شر
دا احنا بقينا ولا المساجين بتطفى النور والكل حزين
لو مش ذنبك طب ذنب مين .. الحكومه ولا المسئولين
من ده لده والله اعلم هنروح لفين
وفى الاخر احنا بس المضرورين
اكدلى يوم ان فى بيتك مره واحده قطع النور
دخل حرامى سرق بيتك وانت قاعد علي الفطور
بدعى عليك ودا مش ذنبى انت قولت انا الكبير
لكن لزمك تقف جنبى وهقولك ايه ربك كبير
انا فى عينك مليش لزمه رقم زيرو بين الملايين
هقلهالك وخد بالك هتيجى ثورة الطيبيين

الموضوع بجد رائع يا عمرو ومناقشتك تستحق كل الاحترام فلما قريتها جت فى بالى الكلمات دى اصل موضوع قطع الكهربا قرب يجننى بجد
تسلم ايدك
خالص تحياتى واحترامى

عمرو يسرى يقول...

nour shahen
الاروع هو كلامك الجميل وليس الموضوع
نورتينى

Follow by Email

Tetris