الأربعاء، 1 سبتمبر، 2010

مدرس عربي يعرب عن مشاعره

انا قلبى كان فاعل يوم ما حبك 
كان طاير فى السماء وعلامه طيرانه حبك
حولتنى الى مفعول بيه بجرحك
وعلامه جرحى غدرك
حبك علمنى ليت وكنت بتمنى فى يوم تحبنى
وانت علمتنى إن لشكي انك فى يوم ممكن تحبنى
 فى يوم قولتلى  انك بتحبنى بس مش عارف تعبر
وقولتلك اللى بيحب بيعرف يعبر
ولو مش عارف بيتصرف
بس كان واضح ان الحب اللى فى قلبك كان ممنوع من الصرف
الحب زى ما لامه قمريه

تكتب وتقراء احساسه كمان احساس قمرى
يقال و يحس يا عمرى
ماعرفش ليه لامك شمسيه
بتقلها ولا تتحس بتكتبها ولا تقراء شمسيه
كانت قصه حب وانتهت بجرحى
مازال جرحك جارح قلبى
خلاص بقى ما انفك عنك القناع
وعرفت انك بياع
انا خلاص هكلم و ابوح
انا خلاص منك مجروح
ايوه بقولها بصيغه مبالغه
بس بقولها من غير مبالغه
هقولك جمله من مبتداء وخبر
الحب انتهى وده كان قدر
عمرى ماحسيت انك ذو ولا اب ولا اخ ولا اى اسم من الاسماء الخمسه
خلاص مش عايز اسمع منك ولا همسه
يا حبذا لو تم الفراق

ما دام لم نشعر بالوفاق
عمرى ما هدعى عليك بالرغم من جرحى
مش هتمنى اشوف قلبك فى محل جرح قلبى
مش هنعتك باى حاجه
اكيد عارف اللى زيك هيكون منعوت بايه
هقول جمله بين علامات تنصيص
انا بعدك مش هحب حد خسيس
مش هستخدم اساليب تعجب
اللى يعرف قصتنا منك يتعجب
ومش هقول اساليب ذم
اللى يعرفك فيك هيذم
جمله اخيره مابين اقواس
سلام بقى عايز الحق الميكروباص






هناك 26 تعليقًا:

تيمور يقول...

ههههه

دة مدرس واقع لشوتة اوى


تسلم عمرو على المشاعر التعريبية دى


تحياتى

Noha Saleh يقول...

والله مدرس دمه خفيف
وباين عليه شاطر فى التدريس
جميلة اوى والله
فكرتنا بالنحو اللى كنا نسيناه

الحب الجميل يقول...

هههههههههههه
جميل اوى البوست دا
مدرس عثثثثثثل

mrmr يقول...

انه متمكن
دمه شربات عرقااااااااااااااااان فى بحر الحب
بس ميه ميه
ههههههههههههههههههههه
تسلم وتعيش

ALHBALABADY يقول...

مدرس شاطر قوووووووووووووووووووى

طوبه فضه وطوبه دهب يقول...

عارف رغم أن اللغه مأثره عليه بس بجد دمه خفيف تسلم ايدك وكل سنه وانت بالف خير

جنون عـبقري يقول...

ما أجمل الغوص في بحور الشعر العربي .. وما أصعب حال مدرسين اللغة العربية اليوم فهم اليوم أمام تحدي كبير بين الحفاظ على لغتهم الأصليهم وعلى حبهم في نفس الوقت.

تقبل مروري .. وتحية لك أخي في الله

عندما يرحل السنونو يقول...

جميلة ..
سلمت يداك أخي

كن بخير

جايدا العزيزي يقول...

ههههههههههه


حلوة اووووووووى يا عمرو

جر وفتحه وكسرة

انت بتحب النحو كدة



عموما انا هسجل نفسى من المتابعين


علشان اراقب الجر والفتحه واضمه والكسرة


كل عام وانت بخير


تحياتى

السُـلطانة يقول...

السلام عليكم ورحمة الله وبركاته ..

جزاك الله خير الجزاء .. وسلمت الأنامل فقد أعجبتني كثيرا .. تقبل مروري

بسمة انور يقول...

انا بطيق النحو ده بشكل يالهوووووووى.... العكس صحيح طبعا

عظيم المدرس ده
واضح انه بيعشق مادته وبيعشق حبيبته .... فعملهم كوكتيل هما الاتنين لا شاطر بجد

جميل البوست وفكرته كمان حلوة
\تحياتى

محمود(باحث عن حب) يقول...

جميل البوست ده
سلمت يمينك اخى الحبيب

re7ab.sale7 يقول...

ههههههه
حلوة اوووي
بس لو كتبت عن كل مدرس بقي وهو بيشكي حاله
هتلاقي بلالالاوي
احييك علي كلامك المعبر
واسلوبك الساخر

عمرو يسرى يقول...

تيمور
نورتنى
اسعدنى اعجابك بيها

عمرو يسرى يقول...

نهى صالح
نورتينى
شكرا على كلامك الجميل

عمرو يسرى يقول...

الحب الجميل
نورتينى
اسعدنى انها اعجبتك

عمرو يسرى يقول...

مرمر
نورتينى
شكرا على كلامك الجميل

عمرو يسرى يقول...

ALHBALABADY
نورتينى
اسعدنى اعجابك بيها

عمرو يسرى يقول...

طوبه فضه وطوبه دهب
كل سنه وانتى طيبه
نورتينى
شكرا على كلامك الجميل

عمرو يسرى يقول...

جنون عبقرى
نورتينى
اسعدنى زيارتك وارجو تكرارها

عمرو يسرى يقول...

عندما يرحل السنونو
نورتنى
واسعدنى اعجابك بها

عمرو يسرى يقول...

جايدا العزيزى
نورتينى
واسعدنى متابعتك ليا

عمرو يسرى يقول...

السلطانه
نورتينى
واسعدنى اعجابك بها

عمرو يسرى يقول...

بسمه انور
نورتينى
وتصدقى انا كمان بطيقه بشكل
اسعدنى اعجابك بها

عمرو يسرى يقول...

محمود(باحث عن حب)
نورتنى

عمرو يسرى يقول...

رحاب
نورتينى
شكرا على كلامك الجميل
وانتظرى المدرس القادم

Follow by Email

Tetris