الاثنين، 23 أغسطس، 2010

ائتلاف شعبى لدعم جمال مبارك بلاوكسة

كنت بشيت مع كريم صاحبى فقال لى مازحا انا زعلان منك ومن الشعب استغربت فقلت له ليه قال لى تعملوا ائتلاف من غير ما تقول لى لدعم جمال مبارك قلت له ايه قال لى انت ماتعرفش قولته ايه الكلام ده قال لى منشوره فى كل الجرائد فدخلت على احدى الجرائد المعروفه فقرات الخبر وقرات فى الخبر ان الحزب الوطنى يعلن عدم مسئوليته عن الحادث وان هذا الائتلاف من الشعب وطبعا لازم يعمل كده وكان لازم ازعل من كريم ومنكم يا مدونين ازاى تعملوا ائتلاف لدعم جمال مبارك من غير ما تقولولى هو انا مش من الشعب زيكم ولا ايه مش تقولولى الغريب اننا نعرف ان الائتلاف مش من الشعب المصرى ولكن ممكن يكون الائتلاف من شعب اخر ممكن تكون الحكومه ادخلت نظام احتراف الشعوب فى الانتخابات والائتلافات حتى تعطى لنفسها المصداقيه وتعرف تجيب اصوات من بره الغريبه ان قبلها بيومين كانت محاكمه قاتلى خالد سعيد وعرفت من برنامج العاشره مساء عندما كنت اشاهده ان امام المحكمه كان بعض الناس يرفعون شعارات مناصره للظباط المتهمون وكانوا من الشعب ايضا مثل الذين يناصرون الضحيه خالد سعيد وعندما تابعوا كيف انفض الموقف كان انصار الظباط يركبون عربيات الامن المركزى يعنى حكومه متخفيه وسط الناس والكوميديا ان الذين عملوا  الائتلاف الشعبى  ليدعمون جمال مبارك مش عايزين حسنى مبارك استهبال عشان يعطى مصداقيه على اساس ان جمال مبارك حاجه وحسنى مبارك حاجه تانيه تقريبا الحكومه لسه مش عارفه تستعبط بزمه او مش عارفه ان حسنى ابو جمال او فاكره ان الشعب اهبل ولا ايه بس شكلهم هما اللى هبل اكتر حاجه فهمتها من الائتلاف الشعبى لدعم جمال مبارك ليه الحكومه بتاعتنا بقيت الكترونيه طبعا عشان يعرفوا يعملوا ائتلاف شعبى على الفيس بوك مسخره الغريب بعدها بداء الحزب الوطنى يدعم جمال مبارك هو كمان بعدما قال مالناش دعوه بالائتلاف ده كان شعبى وطبعا الحزب الوطنى الوديع لازم يمشى مع الشعب ويدعم جمال مبارك ياعينى على الاستهبال



كان نفسى اقول للحكومة مبروك عليكى الاشتغالة
طب عايزه تشتغلينا اشتغلينا بس حبكى الاشتغالة
يعنى ينفع يكون فى ائتلاف
مش عايز الاب وعايز الابن هو يعنى فى اختلاف
يالا خلينا نرجع لايام زمان
نقول مبارك الاول ومبارك الثانى زى ماكنا بنقول على الملوك  ايام زمان

ملحوظه ساخره
اى تشابه فى الاسماء او الاحداث او الاماكن او الصور  الموضوعة  فهو على سبيل الصدفه
و اى شخصيه تدعى ان اسمها ذكر فى البوست غير كريم صاحبى  سواء رئاسية حاليه او رئاسيه قادمه او غير ذلك فهى كاذبه هههههههههههههه
سامحنى يارب ديه الحكومة


هناك 49 تعليقًا:

مها البنا يقول...

تصدق حضرتك أنا برضه محدش قاللى على موضوع الإئتلاف (الشعبى) ده؟

هو يمكن سمى كذلك نسبه إلى (الشعب) الهوائيه والتى إزدحمت بكل مقومات التلوث فى رئتنا الحبيبه.

قول ياااارب

mrmr يقول...

برئ يا بيه

كنت اطفحه هذا الانتلاف

محدش قالى ابدا
وهو بيتعمل اذاى
بالزمه اكتبلى المقادير وطريقه العمل
ولو وحش مش ح جربه هههههه

عمرو يسرى يقول...

مها البنا
ممكن كل شئ ممكن فى وقتنا هذا
ويااااارب
نورتينى

عمرو يسرى يقول...

مرمر
هههههههههههههه
لو اعرف اقول على طول
هههههههه
نورتنيى

سلسبيل يقول...

حسبنا الله و نعم الوكيل
كل سنة و انت طيب
رمضان كريم

عمرو يسرى يقول...

سلسبيل
وانتى بالصحه والسلامه
نورتينى

محمود(باحث عن حب) يقول...

عاش الملك يموت الملك
الى هو الكبير
جمال مين والناس نايمين
محدش فاهم حاجه
محدش شايف
محدش سامع
حسبنا الله ونعم الوكيل
استاذ عمرو
الموضوع ده طبعا من وجهه نظرى
نفاق فى نفاق
وحسبنا الله ونعم الوكيل

عمرو يسرى يقول...

محمود
انا اعتقد انه تطبيخ الحكومه لان الناس معندهاش وقت تنافق هى بادوب ماشيه بلامبلاه احيانا واحيانا بخوف عايشه وخلاص لحد ما العمر ينتهى
نورتنى

ابو فارس يقول...

السلام عليكم
انا رأيي من رأي زميلتي
مرمر

تحياتي

Noha Saleh يقول...

انا معرفش حاجة عن الائتلاف ده
بس احلى حاجة والله السطرين فى الاخر....

انا مابقتش فاهمة حاجة اصلا

Tears يقول...

تصرفاتهم تلك كلها بتستفز الشعب اكتر و اكتر و محصلتها ضدهم

عمرو يسرى يقول...

ابو فارس
نورتنى

عمرو يسرى يقول...

noha saleh
السطرين اللى فى الاخر دول استهبال زى ما الحكومه بتعمل
اسعدنى ان عجبك الهزار ده
نورتينى

عمرو يسرى يقول...

Tears

اكيد
نورتينى

re7ab.sale7 يقول...

ائتلاف اية اللي انت جاي تقول علية
بجد انا برغم كل المشكلات اللي حاصلة دي وبرغم مسألة التوريث دي اللي طبعا علي دماغنا جاية غصب عننا وحاسة اننا مهما عملنا الناس اللي فيها فيها ...سلبية منتهي السلبية ...
بس بنقول يا رب التغيييييير
ولو اني حاسة اننا مش هنتغير ..
شكرا لزيارتك مدونتي المتواضعة
وتقبل مروري
ودمت بخير

شخابيط يقول...

""
ملحوظه ساخره
اى تشابه فى الاسماء او الاحداث او الاماكن او الصور الموضوعة فهو على سبيل الصدفه
و اى شخصيه تدعى ان اسمها ذكر فى البوست غير كريم صاحبى سواء رئاسية حاليه او رئاسيه قادمه او غير ذلك فهى كاذبه هههههههههههههه
سامحنى يارب ديه الحكومة ""

ههههههههههههههههه
انا معرفش الائتلاف دا ايه اولا
وضد التوريث ثانيا
شكراا

Admin يقول...

حسبنا الله و نعم الوكيل
كل سنة و انت طيب
رمضان كريم

الــحــــنـــــــــــــــــــين يقول...

والله يعملو اللى يعملوه الشعب فاهم وعارف كويس الاعيبهم دى وياريت الكل يوقع على المطالب السبعه للتغيير

اقصوصه يقول...

رمضان كريم :)

gogo!sf يقول...

انا سمعت بردو زيك كده ولما بسأل الناس كلها قالو ان دى اشاعات كاذبه
بتتداول فى الاسواق والسوبر ماركتات وفى شرائط الكاسيت وعلى الويندوز اكس بى وتقريباً هتبقى فى المدارس كمان

وبجد خايفه الاقيها نزلت هديه على الجبنه الريكفور وبكده ابطل انا اشتريها وخلاص

مش عارفه هنروح فين من كل الاشاعات دى
ربنا يستر

sendbad يقول...

لك الله يامصر
ولك الله ياشعب مصر
لله الامر من قبل ومن بعد
احييك علي هذا التوبك الهادف

ابراهيم رزق يقول...

بلد شهادات صحيح اسف قصدى بلد ائتلافات صحيح والله انا معنديش مانع يبقى رئيس بس ييجى عن طريق انتخابات حقيقية امام مرشحين حقيقين مش ارجوزات
تحياتى ابراهيم رزق
نسيت اقولك حاجة مرة وانا طالب حبينا نصلى صلاة العيد فى الحسين تعرف معرفناش نصلى لان الريس كان بيصلى هناك وطبعا هو بيصلى وسط كومبارس من رجال الامن واحنا برده اصبحنا كومبارس شعب للريس

تحياتى للمرة الثانية

ذو النون المصري يقول...

لا
انا سمعت بالموضوع في برامج التوك شو في ينها
لكن اكيد هي اشتغاله من الضلع الجديد بالحزب و ليس من فعل الحرث القديم به

غريب يقول...

تك :( تك :( تاك:(

؟؟مـــيــــن؟

:( الحكووووووووووومة :( افتح بسرعه

؟؟ الحكو كو مه لاآآآآآآآآآآآآآ

طاخ :( طيخ :( طوخ:(

برررررررررريء يا عالم

الحكومة: انتا مش عارف ان الهمس = اللمس حسب المادة القانونية المشهورة
(لا تلعب بالنار تحرق اصابيعك)

المره دي سماح عشان خاطر الشعب بس
هههههههههههههههههههههــــ

دمي تقيل صحححح

على العموم
أخي الحبيب الهم مشترك والكل منتهك و الشعب متهوم و التهمه:شعب تعبان .


والله المستعان


لك مني تحية وسلام

غير معرف يقول...

انا ماعرفش حاااااااااجة

ومشفتش حااااااااااااااااااجة


ياعمرو

انت حقيقى جميل


بس انا مش بتكلم فى السياسة

وخصوصا الانتلاف

حسين يقول...

سبحان الله
الناس اللي ورا الائتلاف الشعبهم ده
باين عليهم النفاق خالص
ياسيدي يرشح نفسه مافيش مشكلة
بس اديني ضمانات اني اعرف اختار اللي انا عايزه بحرية (ده طبعا بعد ما تسمح لحد محترم انه يرشح نفسه اساسا )

عمرو يسرى يقول...

re7ab.sale7
كلامك صح
يارب التغيير
نورتينى

عمرو يسرى يقول...

شخابيط
نورتينى

عمرو يسرى يقول...

Admin
وانت بالصحه والسلامه
نورتنى

عمرو يسرى يقول...

الحنين
عندك حق
نورتنى

عمرو يسرى يقول...

اقصوصه
نورتينى

عمرو يسرى يقول...

gogo!sf
ههههههههههههه
ربنا يستر

عمرو يسرى يقول...

sendbad
فعلا لنا الله
نورتنى

عمرو يسرى يقول...

ابراهيم رزق
انا معاك ماعنديش مانع يبقى رئيس لو فى انتخابات حقيقيه مش انتخابات مسرحيه بس هتحصل ازاى والنظام بقاله كتير مميز فى التمثيل المسرحيه الساخره للانتخابات
نورتنى

عمرو يسرى يقول...

ذو النون المصرى
اكيد اشتغاله من الحزب لان الشعب ماعندوش وقت يعمل ائتلاف

نورتنى

عمرو يسرى يقول...

غريب
ههههههههههت
دمك زى العسل
نورتنى

عمرو يسرى يقول...

غير معرف
شكرا على كلامك الجميل
نورتنى

عمرو يسرى يقول...

حسين
انسى ان يعطوا فرصه لحد محترم يترشح
طب هتقول انك مش شايف غير جمال للحكم ازاى طيب
انت بتحلم
نورتنى

Beram ElMasry يقول...

تقبل الله منكم صيامكم وقيامكم وجزاكم عنه خيرا وضاعف العطية وعيد سعيد لكم وجميع الاهل

عمرو يسرى يقول...

Beram ElMasry
نورتنى
عيد سعيد عليكم

أم الخــلـود يقول...

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

babosha يقول...

والله يا اخويا ما عملت ائتلاف انا عملت استلاف بس من واحدة جارتنا والنبى يا اخويا ما حصل الهى اعدم الحكومة وزير وزير لو ده كان حصل اله قولى يا اخويا هوه الائتلاف ده جمعية طب مين اللى حيقيضها الاول اصلى مزنوقة فى قرشين لزوم الكحك واللى الذى منه وكل سنة وانت طيب

ويكا يقول...

بص يا عم عمرو

اولاً لا اعرفك ولا عمرى شفتك ولا عمرى دخلت المدونه دى.

اوك ياعم
وبعدين يا راجل يا محترم ، بقى يبقى فيه ائتلاف وما تقوليش ، دا انا حتى بحب طعمه جداً.
وكمان الشعب كله مشترك فيه ، دا على كده هيبقى كتير جداً.

بس على فكره انا بحبه بالملح الزياده.

والله بخير يا مصر .

اول طبخه ايام زماان على ايامى كانت الكوسه ، دلوقتى بقى ائتلاف ، اكيد طعمه احسن من الكوسه بكتير ، بالاخص فى ظل التطور اللى بتعيشه مصر دلوقتى ده ، فى ظل الرئيس الراحل ابو الليف.


شكرا
ومع السلام عليكم

ملحوظه : انا مواطن محترف من الخارج

sendbad يقول...

كل سنة وانت طيب عيد فطر سعيد
تحياتي

عمرو يسرى يقول...

ام الخلود
نورتينى

عمرو يسرى يقول...

babosha
هههههههههه
كل سنه وانتى طيبه
نورتينى

عمرو يسرى يقول...

ويكا
مصر طباخه
كوسه وبعدين ائتلاف ولسه
نورتنى

عمرو يسرى يقول...

sendbad
وانت بالصحه والسلامه
نورتنى

غير معرف يقول...

هنا عمرو محدش فاهم حاجة

Follow by Email

Tetris