الثلاثاء، 10 أغسطس، 2010

رمضان السنادى سنه كام ؟


كل سنه وانتم طيبين  و رمضان كريم


اللى عارف يجاوب قبل ما يقرا الموضوع رمضان السنادى سنه كام ؟
هههههههههههههههه
 الموضوع انى كنت مع صاحبى محمد ممدوح فى مره و سالته هو رمضان السنادى سنه كام فرد وقالى
 2011 فقلت له السنادى قال لى 2010 فضحكت
 وقولتله احنا كام هجرى ففكر شويه
 وقال لى الف ربعميه  حاجه وثلاثين فقلته 1431
قالى اه صح 
 الغريب معرفش ليه سالت نفسى احنا ليه ما بنفتكرش احنا سنه كام هجرى وطبعا كان  ردى  هو لاننا ماشيين على التقويم الميلادى وبنربط  كل حاجه بيه ولكن احنا بردوه بنحتفل برمضان وعيد الفطر وعيد الاضحى والمولد النبوى والهجره وعاشوره و.......... و............. و مناسبات كتيره مرتبطه بالتقويم الهجرى يعنى احنا مش مالناش علاقه بالتقويم الهجرى فلماذا النسيان بهذا الشكل يقولولى ده احنا بننسى احنا فى يوم ايه وفى شهر ايه ميلادى مش عايزنا ننسى احنا فى سنه كام هجرى اقول بننسى احنا فى يوم ايه وفى شهر ايه فى الميلادى وتنسى فى الهجرى ماشى لكن مادمنا بنفتكر احنا فى سنه كام ميلادى نفتكرها هجرى كمان عادى يعنى مافيش مشكله يعنى عشان ما ندخلش الاثنين فى بعض ماهو ما ينفعش نقول يناير 1431 هتقولوا مين القديم ده طب نقول رمضان 2010 ازاى جايين من عصر متقدم شويا صح هههههههههه يا مين يعيش طب ما فيهاش حاجه لما نظبط توريخنا ايه المشكله معرفش ايه اللى خلانى اكتب البوست  ده  ما اهنيكم  برمضان    بكل سنه  وانتم طيبين عادى لازم اللفة  ديه     يمكن لانى انا نفسى ماكنتش فاكر احنا فى كام هجرى الا لما سئلنى  احد الاصدقاء نفس السؤال  وقالى  انه شاف برنامج المذيعه بتسئل الناس احنا كام هجرى ونادر لما حد يعرف  مع ان الموضوع مش صعب اوى كده  ولا ايه 

وكل سنه وانتم طيبين 
يا احلى ناس يا اللى عليا غاليين  
وربنا يعيده عليكم وعلينا بالخير والبركات 
شهر رمضان شهر الخيرات 
رمضان كريم
الله اكرم



هناك 22 تعليقًا:

mrmr يقول...

هو انا اتغديت ايه انهارده

اتغديت ايه انهارده

اتغديت ايه انهارده

يووووه نسيت

هههههههههه

كل سنه وانت
طيب ذى ما انت

رمضان كريم

Rosie يقول...

أيام ما كنا فى المدرسة كنا علطول فاكرين احنا فى يوم ايه و سنة كام هجرى و ميلادى عشان كنا بنكتب التاريخ كل يوم...
لكن دلوقتى بفتكر إحنا فى يوم أيه بالعاافية..بس هو مش صح اوى كده..يالا ربنا يلطف بالذاكرة بقى..
بس أنا كنت عارفة الإجابة الحمد لله..أصلى لسه سامعاها فى التليفزيون النهاردة...كل سنة و أنت طيب..

سلسبيل يقول...

كل سنة و انت طيب
بوست راااائعة و الله
انا ما كنت عارفة احنا
فى سنة كام مش بعرف التواريخ
غير لما بروح المدرسة هههههههه
رمضان كريم

شخابيط يقول...

موضوع مفيد
فعلا ايام الدراسه كنا عارفين النهارده يوم ايه
دلوقتى اما حد يسالنى اوقات بغلط فى ايام الاسبوع نفسها :))
رمضان كريم

موجة يقول...

كل سنة وانت طيب وربنا يعيد عليك وعلينا الايام بخير
اما بالنسبة لموضوع التواريخ ده فبلاش احراج
لان قبل رمضان بكام يوم كنت فاكرة انه لسه بتاع شهر كده ولا حاجة على رمضان
واتفاجئت ان كلها اسبوع ورمضان ييجى
الحياه ومشاغلها خلت الناس تفقد اهتمامات كتيرة
وبالنسبة للتاريخ الميلادى عمرة ما بيتنسى عشان هو التاريخ المتداول فى دولتك
ابقى خلى الدولة تغير واحنا نغير بقى
كل سنة وانت طيب

عمرو يسرى يقول...

مرمر
وانتى بالصحه والسلامه
نورتينى

عمرو يسرى يقول...

ROSIE
وانتى بالصحه والسلامه
نورتينى

عمرو يسرى يقول...

سلسبيل
وانتى بالصحه والسلامه
نورتينى

عمرو يسرى يقول...

شخابيط
كل سنه وانتى طيبه
نورتينى

عمرو يسرى يقول...

موجه
وانتى بالصحه والسلامه
نورتينى

ايه رايك يقول...

عندك حق
انا نفسي معرفش احنا سنة كام هجري
استني اروح اشوف واقولك




ايوه بعد النظر في النتيجه للتأكد تبين اننا في 1431


انا نفسي مش لقيه رد احنا ليه مش عارفين احنا سنة كام بالهجري


وكل سنه وانت طيب وبخير
والسنه الجايه تكون في بيت العدل لو مش متجوز يعني وبصراحه منصحكش
هههههههههههههههههههه

طوبه فضه وطوبه دهب يقول...

مهما كانت السنه ومهما اختلف التاريخ كل سنه وانت بالف خير وصحه وسعاده

ميرا ( وومن ) يقول...

أ / عمرو

كل سنة وحضرتك طيب ورمضان كريم

ميرسي علي تشريفك المدونة

موضوع جميل وفعلا عندك حق بس هانعرف ازاي احنا سنة كام هجري وكل القنوات بتعرض البرومو يتاع المسلسلات وبتقولك رمضان 2010
علي اساس انه ديسيمبر مثلا

عليه العوض ومنه العوض

الحب الجميل يقول...

كل سنه وأنت طيب
رمضان كريم
رمضان السنه دى سنة كام؟؟
يمكن كنت أعرف أجوبك أيام المدارس أنما دلوقتى أنسى
كفايه انى عارفه ان أحنا 2010
وساعات معرفش النهارده كام الإ لما أبص للنتيجه
ههههههه
موضوع لذيذ
تقبل مرورى
كل سنه وانت بخير واسرتك كلها بخير

أتنين حبيبين يقول...

كل سنه وانت طيب ياعمرو وينعاد عليك الايام بكل الخير

فعلا الدنيا تلاهى

وكمان لما بروح الشغل ويسئلوا عن التاريخ بنسا خلاص والله

ربنا يسترها معانا

دمت بكل الخير

محمود(باحث عن حب) يقول...

لللاسف
ده عيب المسلمين
منعرفش الهجرى الا فلا رمضان وبس
ربنا يرحمنا
بحترم السعوديه فى حاجه واحده بس
ان التقويم بتاعها هجرى
بارك الله لك

عمرو يسرى يقول...

ايه رايك
وانتى بالصحه والسلامه
شكلك متعقده من الجواز احكيلى فى اية
هههههههههههه
نورتينى

عمرو يسرى يقول...

طوبه فضه وطوبه دهب
وانتى بالصحه والسلامه
نورتينى

عمرو يسرى يقول...

ميرا ( وومن )
وانتى بالصحه والسلامه
عندك حق الاعلام فعلا برده بياثر
نورتينى

عمرو يسرى يقول...

الحب الجميل
وانتى بالصحه والسلامه
نورتينى

عمرو يسرى يقول...

اثنين حبيبين
وانتى بالصحه والسلامه
نورتينى

عمرو يسرى يقول...

محمود(باحث عن حب )
كل سنه وانت طيب
في حاجات كتير ممكن تحترم السعوديه بيها غير التقويم ومادام فى مناسبات بتحتفل بيها فى تقويم معين مش لازم تمشى بالتقويم عشان تعرفه
نورتنى

Follow by Email

Tetris