الاثنين، 12 يوليو، 2010

خالد سعيد ومن قبله عماد الكبير وغيرهم ومن بعدهم





 كنت بتصفح الانترنت وكل ما افتح صفحه ارى صوره خالد سعيد والكل بيتكلم عن انه شهيد الطوارئ وكلام كبير كده معرفوش والكل يتحدث عن التعذيب والضرب فى الاقسام ولا اعلم لماذا تذكرت قضيه عماد الكبير الذى اغتصب فى القسم وصوره فديو  وانتشر الفديو واتحكم فيها على من فعلوا فيه ذلك وسالت نفسى لماذا قضيه خالد سعيد اخذت انتشار اكثر من قضيه عماد الكبير وناس تانية واصبح الناس على الانترنت كلهم خالد سعيد هل لان الناس فاض بهم ام لانها جريمه قتل ام ماذا الله اعلم المهم قررت وانا لا اعلم شئ فى القانون ان اعمل مثل بتوع الكوره واحلل الموقف زى ما بيحلله الماتش معتمدا فى تحليلى على مشهد من فيلم ضد الحكومة بتاع الفنان احمد ذكى عندما كان معه حته حشيش ودخل عليه البوليس فى القطار وطلب تفتيش الشنطه فرد الفنان  احمد ذكى وقال الشنطه بها اوراق مهمه ممكن اطلع ما  بها بنفسى وطلع الورق ومسك حته الحشيش وقال ديه حته حشيش مالناش دعوة بيها ورماها من شباك القطار ولم يقدر احد ان يمسكه بالرغم من انه قال لهم ان ديه حته حشيش بس رماها اذا لايوجد حرز وطبيعى لا يوجد قضيه وبدات التحليل وطبعا اعتبرت ان خالد سعيد بيشرب بانجو لان لو اعتبرته شهيد الطوارئ والكلام الكبير ده كله مش محتاجه كلام الشرطه مدانه فاعتبرته بيشرب بانجو و دخلت الشرطه وشاهدته معاه لفافة بانجو ووضعها فى فمه فمسكته واعتقدت انه ابتلاعها ولم تقف فى زوره ولم يمت وراح القسم معاهم وسالت نفسى فين القضيه هل يكون فى قضيه بدون حرز او دليل بالطبع لا وبالتالى فمن قبض عليه على خطا والمفروض محاسبتة  وكان سيخرج خالد سعيد من القسم زى اى مواطن محترم صح. اذا الشرطه مدانه  يقول البعض ممكن ان يكشفوا عليه بعمل تحليل ولكن هل الشرطة  من سلطاتها ان تقبض على الناس وتعملها تحاليل لاثبات ان كانوا بيشربوا مخدرات او لا بدون اى دليل اتهام اذا كان كده كانوا يقبضوا على المغنى الذى غنى انا شارب سيجاره بنى الى اخر الاغنيه على اساس ان ده اعتراف منه ويعملوا له تحاليل او من غير ماهو اعترف والاعتراف سيد الادله وكانوا هيقبضوا على المجتمع كله وهيطلع نسبه مش قليلة متهمون وطبعا  ده غير قانونى و حتى لو جاب لفافه البانجو من فمه فان هذا غير قانونى لان لو حتى معاه اذن التفيش فاذن التفتيش ليس لتفتيش الفم والبلعوم والمعده والرئه و باقى اجهزه الانسان وبالتالى لايوجد قضية وكثير من القضايا تموت بسبب اخطاء فى الاجراءات طيب نحلل بروايه تانيه عليه احكام وجايين يقبضوا عليه وقاومهم فضربوه ليسيطرون عليه  لماذا لم تظهر هذه الاحكام والقضايا للراى العام هل هى احكام سريه فنحن لانصدق الا بالمستندات وهذه القضيه اصبحت قضية راى عام فلماذا لايظهر دليل براءه الشرطه للراى العام بان تنشر الاحكام  حيث انهم قالوا فى قضية عماد الكبير بتاعت زمان فى اولها انه عليه احكام وقضايا وقالوا على من يرفع فديوهات التعذيب فى الاقسام على اليوتيوب انه بردوا عليه قضايا واحكام ولم يظهر عليهم  احكام ولا قضايا حتى الان او لم نعرفها حتى الان وبالعكس تمت محاكمة من ظهر فى الفديو بتاع الاعتداء على عماد الكبير وغيره من القضايا ونرجع ونسئل بعد التحليل من واحد لايعرف فى القانون شئ  مثلى اين الدليل ان كان عليه احكام او قضايا لماذا لم تظهر وان كان بالع للفافة البانجو ولم يمت هل كان سيحاكم بدون حرز او دليل وان كانت الاجابه ب لا ف اكيد يجب محاسبة من ضربوه حتى لو كان ليقبضوا عليه لانه اذا كان حيا وابتلعها وذهب للقسم فلم تكون عليه قضيه الا اذا كان من الممكن ان تكون فى قضية بلا حرز او دليل وتكون دية المصيبه الاكبر


هل يوجد قضيه بدون حرز او دليل؟
مسخرة فى زور  المتهم الدليل
بيقولوا نعمل ايه فى الحرامية و البلطجية
يعملوا العمليه ومافيش دليل على القضية
نقولهم هاتوا الدليل وماتكنوش انتم بلطجية
حولتم الاعتراف من سيد الادلة
الى تخليص قضية
يمكن تكون حالات فردية
بس الحاله ديه  بتاثر فى اكتر من نفسية
وديه حاجه مش هينة
كم مسئول  ممكن اتهمه والبسه قضية
طب لو مسئول وعارفين انه فاسد ممكن من غير دليل نعمله قضية
ولا عشان عنده حصانة
امتى يكون للشعب حصانة
ويكون برئ لحد ماتثبت ادانته
مش مدان حتى تثبت براءته





هناك 6 تعليقات:

Noha Saleh يقول...

مش عارفة ليه مش قادرة اصدق ان الولد ده ممكن يكون مجرم
الموضوع عامل زى مايكون مسرحية هزلية مالهاش طعم ومملة جدا
خلينا نشوف الامور هتوصل لغاية فين

أم الخــلـود يقول...

اصحى يا نايم ووحد الدايم

(حملة الجسد الواحد)

أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية.

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

غير معرف يقول...

اللهم اهدنا واهدى المسلمين

عمرو يسرى يقول...

Noha Saleh
الله اعلم بالحقيقة ولكن الشرطة فى الحالتين مدانه سواء كان برئ او زى القصص اللى بتالفها الشرطه مدان وطبعا 99.9 % الولد مش مجرم

نورتى المدونه

عمرو يسرى يقول...

ام الخلود

نورتى المدونه

عمرو يسرى يقول...

غير معروف
امين امين

نورت المدونه

Follow by Email

Tetris