الجمعة، 23 يوليو، 2010

كنت عايز اقدم بلاغ ولكن

عادت اختى الى البيت بعد  يوم كانت تقضيه  مع صحباتها فى ملاهى دريم بارك وقد سرقت شنطتها هناك وكانت لا تريد ان تبلغ فى القسم واستكفت بابلاغ اداره الملاهى ولكن اقنعناها ان تبلغ  فى القسم لان الشنطه كانت فيها بطاقتها الشخصية واوراق مهمه خاصة بيها ممكن يساء استعمالها وذهبت معها القسم  وكان الوقت متاخر ولكن كنا فاكرين ان الاقسام ما بتقفلش  ولكن  المهم  ذهبنا الى قسم الساحل لانه اقرب قسم لينا وطبعا كنا على خطا وهتعرفه ليه لو لسه ماعرفتوش واكتشفت وقتها انها كانت على حق لما كانت غير مقتنعه بتقديم بلاغ فى القسم بدايه من باب القسم اقتنعت انها كانت صح حيث قبلنا صرصار متخفى فى زى عسكرى حاول يعيش فى الدور ويستخف دم اهله وحب يعمل بنى ادم   فاكر نفسه بنى ادم يعنى او ممكن مكانش  عايز يقول ان القسم قفل بشكل  صريح  فقال يغلس  فسئلناه عن العميد فلان الفلانى كان اى اسم خطر لنا على البال فاكتشف  الصرصار  انه صرصار ورجع لاصله صرصار ودخلنا فطلبوا مننا ترك الموبيلات اللى بالكاميره مما جعلنى اسئل هل يوجد اسرار مهمه فى قسم الشرطه يخافون على تصويرها ممكن وممكن نعرف ايه هى الاسرار التى تمنع دخول الموبيلات اللى بالكاميره فى قسم الشرطه لان قرار عدم دخول الموبيلات فى القسم لم يصدر الا بعد قضيه عماد الكبير و فديوهات التعذيب المهم طلعنا نقدم البلاغ ليسئلنا الراجل اللى بياخد البلاغ السرقه تمت فين قولنا فى دريم بارك فقال اعمله البلاغ فى مدينه 6 اكتوبر بالرغم انها لم تكن محافظة لوحدها وقتها طب عايزين نثبت ان الاوراق والبطاقه الشخصية اتسرقت علشان لو حد  اساء استعملها   فقال اعمله غيرها طب ما احنا كنا هنعمل غيرها ماشاء الله الحمد لله انها جت على قد كده كويس انه ما طلبش صوره الحرامى وبصماته  الحمد لله فغادرنا القسم بدون بلاغ  اننا اتسرقنا طبعا لاننا المفروض نرجع ل 6 اكتوبر  نبلغ فى قسم 6 اكتوبر    وبعد استغراب من الذى حدث قلنا ممكن يكون عنده حق ازاى نتسرق فى منطقه ونبلغ فى منطقة لان كل قسم لايخدم الا منطقته فقط وكل منطقه فى بلد تانية شكلها كده وطبعا عرفنا اننا غلطنين مع انى كنت فاكر اللى احنا اتقدمنا و ممكن نبلغ فى اى قسم وهما يبلغوا القسم المناسب يالا  اللى حصل  بلاوكسة ولكنى افتكرت شئ ما افتكرت عندما قال لى صاحبى احمد ابو بكر انه كان مع اهله فى منطقة العتبة وحدث موقف مش فاكره دلوقتى وكان عايز يعمل بلاغ وراح القسم اللى موجود فى المنطقة مالهمش حجة الراجل عمل اللى عليه شاف الموقف تبع قسم ايه وراح بلغ فيه يعنى عداه العيب وقزح انه يعرف يقدم البلاغ ابدا وقعد لحد ما زهق ومشى ولم نعرف قبل كده ان تقديم بلاغ صعب لدرجه ديه لان كتير من الناس بيقدموا بلاغات عادى ماعرفش فى ايه حد عارف اللى عارف يقولى   يالا اللى حصل




اغلقوا اقسام الشرطه ملهاش لزمه
صدعوا دماغنا بالحكومه الالكترونية بلاوكسه
كنا عايزين نعمل بلاغ وفشلنا
فى القسم اللى تبع البلاغ و فى غيره بردوا فشلنا
اغلقوا الاقسام ملهاش لزمه 

على الابواب  صراصير متغفيه فى عساكر
وكله علينا داير
اغلقوها مالهاش لزمه
يالا بلاوكسه




الاثنين، 12 يوليو، 2010

خالد سعيد ومن قبله عماد الكبير وغيرهم ومن بعدهم





 كنت بتصفح الانترنت وكل ما افتح صفحه ارى صوره خالد سعيد والكل بيتكلم عن انه شهيد الطوارئ وكلام كبير كده معرفوش والكل يتحدث عن التعذيب والضرب فى الاقسام ولا اعلم لماذا تذكرت قضيه عماد الكبير الذى اغتصب فى القسم وصوره فديو  وانتشر الفديو واتحكم فيها على من فعلوا فيه ذلك وسالت نفسى لماذا قضيه خالد سعيد اخذت انتشار اكثر من قضيه عماد الكبير وناس تانية واصبح الناس على الانترنت كلهم خالد سعيد هل لان الناس فاض بهم ام لانها جريمه قتل ام ماذا الله اعلم المهم قررت وانا لا اعلم شئ فى القانون ان اعمل مثل بتوع الكوره واحلل الموقف زى ما بيحلله الماتش معتمدا فى تحليلى على مشهد من فيلم ضد الحكومة بتاع الفنان احمد ذكى عندما كان معه حته حشيش ودخل عليه البوليس فى القطار وطلب تفتيش الشنطه فرد الفنان  احمد ذكى وقال الشنطه بها اوراق مهمه ممكن اطلع ما  بها بنفسى وطلع الورق ومسك حته الحشيش وقال ديه حته حشيش مالناش دعوة بيها ورماها من شباك القطار ولم يقدر احد ان يمسكه بالرغم من انه قال لهم ان ديه حته حشيش بس رماها اذا لايوجد حرز وطبيعى لا يوجد قضيه وبدات التحليل وطبعا اعتبرت ان خالد سعيد بيشرب بانجو لان لو اعتبرته شهيد الطوارئ والكلام الكبير ده كله مش محتاجه كلام الشرطه مدانه فاعتبرته بيشرب بانجو و دخلت الشرطه وشاهدته معاه لفافة بانجو ووضعها فى فمه فمسكته واعتقدت انه ابتلاعها ولم تقف فى زوره ولم يمت وراح القسم معاهم وسالت نفسى فين القضيه هل يكون فى قضيه بدون حرز او دليل بالطبع لا وبالتالى فمن قبض عليه على خطا والمفروض محاسبتة  وكان سيخرج خالد سعيد من القسم زى اى مواطن محترم صح. اذا الشرطه مدانه  يقول البعض ممكن ان يكشفوا عليه بعمل تحليل ولكن هل الشرطة  من سلطاتها ان تقبض على الناس وتعملها تحاليل لاثبات ان كانوا بيشربوا مخدرات او لا بدون اى دليل اتهام اذا كان كده كانوا يقبضوا على المغنى الذى غنى انا شارب سيجاره بنى الى اخر الاغنيه على اساس ان ده اعتراف منه ويعملوا له تحاليل او من غير ماهو اعترف والاعتراف سيد الادله وكانوا هيقبضوا على المجتمع كله وهيطلع نسبه مش قليلة متهمون وطبعا  ده غير قانونى و حتى لو جاب لفافه البانجو من فمه فان هذا غير قانونى لان لو حتى معاه اذن التفيش فاذن التفتيش ليس لتفتيش الفم والبلعوم والمعده والرئه و باقى اجهزه الانسان وبالتالى لايوجد قضية وكثير من القضايا تموت بسبب اخطاء فى الاجراءات طيب نحلل بروايه تانيه عليه احكام وجايين يقبضوا عليه وقاومهم فضربوه ليسيطرون عليه  لماذا لم تظهر هذه الاحكام والقضايا للراى العام هل هى احكام سريه فنحن لانصدق الا بالمستندات وهذه القضيه اصبحت قضية راى عام فلماذا لايظهر دليل براءه الشرطه للراى العام بان تنشر الاحكام  حيث انهم قالوا فى قضية عماد الكبير بتاعت زمان فى اولها انه عليه احكام وقضايا وقالوا على من يرفع فديوهات التعذيب فى الاقسام على اليوتيوب انه بردوا عليه قضايا واحكام ولم يظهر عليهم  احكام ولا قضايا حتى الان او لم نعرفها حتى الان وبالعكس تمت محاكمة من ظهر فى الفديو بتاع الاعتداء على عماد الكبير وغيره من القضايا ونرجع ونسئل بعد التحليل من واحد لايعرف فى القانون شئ  مثلى اين الدليل ان كان عليه احكام او قضايا لماذا لم تظهر وان كان بالع للفافة البانجو ولم يمت هل كان سيحاكم بدون حرز او دليل وان كانت الاجابه ب لا ف اكيد يجب محاسبة من ضربوه حتى لو كان ليقبضوا عليه لانه اذا كان حيا وابتلعها وذهب للقسم فلم تكون عليه قضيه الا اذا كان من الممكن ان تكون فى قضية بلا حرز او دليل وتكون دية المصيبه الاكبر


هل يوجد قضيه بدون حرز او دليل؟
مسخرة فى زور  المتهم الدليل
بيقولوا نعمل ايه فى الحرامية و البلطجية
يعملوا العمليه ومافيش دليل على القضية
نقولهم هاتوا الدليل وماتكنوش انتم بلطجية
حولتم الاعتراف من سيد الادلة
الى تخليص قضية
يمكن تكون حالات فردية
بس الحاله ديه  بتاثر فى اكتر من نفسية
وديه حاجه مش هينة
كم مسئول  ممكن اتهمه والبسه قضية
طب لو مسئول وعارفين انه فاسد ممكن من غير دليل نعمله قضية
ولا عشان عنده حصانة
امتى يكون للشعب حصانة
ويكون برئ لحد ماتثبت ادانته
مش مدان حتى تثبت براءته





Follow by Email

Tetris