الأحد، 26 ديسمبر، 2010

مقابله مع كائن كان بيدرسلنا

كنت واقف فى طابور  دفع فواتير التليفون  وفجاه رايت  كائن  اعتقد انه  كان بيدرسلنا ماده العلوم على ما  اتذكر   ايوه دا البتاع دا الللى اسمه  محمود صح   فقلت لنفسى اروح اسلم عليه  اهو الواحد يتسلى لحد  مايجى دوره فى الطابور
يابنى انت ازاى بتكلم عن مدرس كان بيدرسلك بالشكل  دا  كائن  والبتاع دا  ايه مافيش احترام  شكلك انسان مش محترم
طب اعمل ايه ان كان المدرس ابن تييت  مش محترم
هههههههههه شكله كان بيضربك
 ماكنش ليا علاقه بيه اساسا ولكنى مازلت اتذكر وجه زميلنا محمد يوسف   وهو محمر  من قبضه هذا الحشره على رقبته
اكيد محمد  يوسف دا عمل كارثه
ابدا  كل الحكايه ان البتاع دا اللى اسمه محمود اللى كان بيدرسلنا  فى احدى حصصه حب يعيش فى الدور  فقعد يسئل اسئله من خارج المنهج وقاعد يهزر  مع الطلبه وبيقول اعقد ولا لا  ويقول همر على واحد واحد  واللى يقولى عقد هسئله سوال لو ماجاوبش عليه هينضرب  فطبعا الكل بيريح دماغه وياخده على اد عقله   وبيقوله بلاش  الا زميلنا  محمد يوسف قاله عقد  اه ماهو محمد كان متفوق وقتها
فقام  المدرس محمود المحروس من العين بمسك محمد  من رقبته ويسئله اعقد  ويرد محمد ويقول   اه   ويتكرر السوال  وتتكرر الاجابه  وفى كل مره يضغط على رقبته حتى احمر وجه محمد يوسف زميلنا  مدرس غبى ابن تييت
المهم نرجع للمقابله  عارف توهته منى ههههه
روحت للمدرس اسلم  عليه وطبعا انا عارف انه اكيد مش هيفتكرنى  اساسا
 و فعلا ماكنش عرفنى  طبيعى  ولكن تفاجت من تصرف المدرس الذى شعرت منه انه قرفان  معرفش او  خجلان من ان طالب عنده بيكلمه مش عارف  ليه مع انى كلمته باحترام  وكانه واحد محترم    وبيسئلنى  انت  كملت صنايع   و قتها قلت لنفسى بينى وبين نفسى وانا شكلى متبهدل اوى كدا ولا ايه   ولا هو عارف ان اى حد  هو بيدرسله بيدخل صنايع  او مابيكملش  طبعا  يعنى  امثاله  هيطلعوا مين   ما علينا  انا ايه اللى خلانى اروح اسلم على الاشكال ديه  ديه اشكال عايز الحرق   ما انا كنت واقف احسن فى دورى  لازم اروح  اسلم يعنى     اقوله ازيك   وحضرتك  تقولى  انت كملت صنايع  ولامكملتش  صنايع يابن تييييييييييييييييت

السبت، 25 ديسمبر، 2010

من ارشيف المدونه علاقتى بسور المدرسه

كانت بدايه علاقتي بالسور فى مدرسه التوفيقيه عند فشل مدرس اللغه الالمانيه محمد طلعت فى اخراجنا من المدرسه من الباب حيث كانت حصته الاخيره او التى قبلها احيانا وكان يسعى الى تسريبنا لكى يمشى هو مبكرا وفى احد المرات فشل فى تخريجنا من الباب فقام باتفاق مع رئيس الفصل قائلا اذا كنتم عايزين تخرجو ا فاتصرفوا خدوا بعضكم اثنين اثنين وعلى السور فذهبنا الى السور واتصرفنا ماعدا زميلنا بيتر قرر ان يبقى فى الحوش المدرسى لانه لا يعرف ان ينط السور ولا اعرف كيف لا يعرف بالرغم من ان السور تنظر له من بعيد تلاقيه يقول لك نطني فهو به تدرجات تسمح بتسلقه والنزول من الناحيه الاخرى بسهوله ويسر يعنى باختصار قلبك يروحله المهم انه كان على زميلنا بيتر ان يتحمل المسئوليه كامله اذا ظبطه احد وكنت انا انط واروح البيت حيث لم يكن فى بالى شىء افعله عند الخروج من المدرسه مبكرا ويمكن ان يكون هذا السبب هو سبب عدم الهروب من المدرسه قبل هذا الوقت  بالرغم من كرهى لها  وكرهى لحماقات المدرسين اللى فيها ولكن وبعد ان تكررت كثيرا وبداء الفصل الاتفاق على النط مبكرا من الحصه الاولى او الثانيه فكان من الصعب ان اروح بعدها لان اهلى سيسئالون عن السبب واذا قلت السبب لم يصدقونى ولو صدقونى وحضروا الى المدرسه مشتكين الذى يحدث كنت واثق ان المدير والمدرسين هيجيبوا السبب علينا واننا طلاب فاشلون واحتمال معاقبتنا على اساس انهم لم يكتشفوا ان الفصول فارغه يوميا الا بعد الشكوى واكيد عدم اكتشافهم هذا لانهم كانوا هم ناطين السور قبلنا وكما تعودنا احترام الكبار بجعلهم الاول فى التزويغ واعلم اننا كطلاب كنا مشاركين معهم ولكن هل يريدون من الطالب ان يكون عنتر او ابو زيد الهلالى يصحح الوضع ويقف امام المدرسين رافضا التزويغ وامام الطلاب زمايله وامام نفسه الاماره بالسوء التى لا تريد هى ايضا الابقاء فى المدرسه وما بها من حمقى فاذا اعترض احد الطلاب على اتفاق المدرس فالمدرس امره سهل هيقول خليكوا قاعدين وهى ليست صحوه ضمير ابدا ولكن اعطاء الطلاب باقى الفصل الذى يصل عدده على ايامنا 50 او 60 طالب ان يردوا على اعتراض زميلهم او يقنعوه بمعنى اصح يلبسهم لبعض ليقنعوا زميلهم يا اما بالكلام او بالاساءه او الضرب ولا مسئوليه على المدرس وهو يعلم ان اى طالب لو شكا الى اى مدرس لم يصدقه احد فهل يكذبون 50 طالب ويصدقون واحد تيجى ازاى ولكن اعلم انه دائما الطلاب هم السبب فهم فاشلون ولا يحبون العلم كما يدعى بعض المدرسين فالمدرسون ملائكه ليس لهم ذنب ولا حتى كرهوا الطلاب فى العلم فالطلاب مولدين مش عايزين يتعلموا


معرفش مين اللي قال النسخه ديه من الجيل بايظه
مولوده منتهيه الصلاحية وصلت للوجود فاسده
والنسخه اللى قبلها دول جيل ملايكه
والزمن الذهبى للحب والخير والموده
ايه المنتظر من طفل يوجد وسط العبث
ايكون عالما او عابثا او يخترع جديد من العبث
مدرسين حشاشين وعايزنا نطلع منضبطين

طبعا لازم هنطلع مهيسين
وعجبى

الخميس، 23 ديسمبر، 2010

تدبيسه من اخت عزيزه

تبستنى  عزيزتى  استاذه رشا  صاحبه  مدونه خواطرى مع الحياه  فى هذه التدبيسه 
واشكرها لهذه التدبيسه
  واعتذر لها عن التاخير فى عمل  هذه التدبيسه  حيث  لم اكن على مايرام فى الفتره الماضيه

1- تعريف مختصر بالمدون ؟
اسمى  عمرو يسرى    السن 24 سنه 
 الجنسيه  مصرى
وباقى اى كلام عنى  اعرف اقوله عن نفسى ممكن يكون اتقال فى  واجب الاعتراف قبل
كدا   فلا اعرف ماذا اكتب عن نفسى لان اصعب سوال يسئل لاحد  هو من انت
ولكن ممكن انت عزيزى القارئى   تقول  اعتقادك  عنى بمعنى اخر ساجعل السؤال  
  عرف  او قول وجهه نظرك فى  هذا المدون من  خلال ماقرائت له   مع الاختصار والبعد عن المجاملات ؟؟ 

وطبعا دا  تدبيسه لاستاذه رشا هههههههه
  

2-مكانته العلمية والدراسية التي وصل اليها من خلالها يستطيع ان يقدم خدماته للمجتمع؟

 بكاليريوس  تجاره  جامعه عين شمس

 
3- متى كانت البداية في التدوين (بالتاريخ)؟

22 فبراير 2010

بوست بدايه تعلم الهيستريا

4- كيف كانت بداية التدوين

كان اصدقائى بيعجبهم  بعض ما اكتبه و فى مره  اصدقائى  محمد ابراهيم  وكريم  و احمد ابو بكر  قالولى ماتنشر اللى بتكتبه على الانترنت  لما كانوا  بيلاقونى  بكتب بعض الخواطر وبكلمهم
 على بعض افكار  لقصص من تفكيرى لم اكتبها او كتبت  اجزاء منها وفى نفس الوقت  عرفنى  على بلوجر  صديقى احمد فؤاد
  فعملت مدونه فضفضه وبعدها مع الوقت  توالت  المدونات فعملت
 خواطر وحكاياتى
  
 5- ليه أنا مدون؟

مش عارف  بصراحه   انا  يعتبر مدون ولا لا  انما لو اعتبرنا مجازيا انى مدون   وتسائلنا ليه انا مدون
فممكن اقول  فضفضه فكريه

والذى يعتبرنى  مدون يقول    من وجهه نظره   لماذا  انا مدون  من خلال قرائته لما اكتبه

 6- ما هي طموحاتك في هذا المجال
  ساعات اشعر اننى لا اعرف   وساعات اشعر  انها  قد تكون هوايه   بلا طموح  و ساعات  اشعر انه   قد يكون  طموحاتى   ان اكون كاتب  يصدر لى  ما اكتبه  وقد يكون غير ذلك

  اجبوا   انتم    على هذا السؤال  من وجهه نظركم   من خلال ما قرائته عندى فى مدونتى  ماذا تعتقدوا  عن  طموحاتى فى هذا المجال ؟؟؟؟
بمعنى اختار الاجابه الصحيحه   من هذا الاجابات  من وجهه نظرك  

7- إلى أي مدى ترغب في التدوين
 الى اخر العمر  او  حتى ينتهى عقلى من التفكير   ويدى عن التدوين
  ايهما  اقرب

8-  الكتابة عن شي تحبه
احب اشياء كثيره   قد لا يساعدنى عقلى فى الكاتبه عنها وقد لايلهمنى  على اختيار الالفاظ التى تناسبها


الثلاثاء، 14 ديسمبر، 2010

واضح انك اتغيرت

واضح انك اتغيرت
يادوب قولتلك مش مسامح  علطول   فيا  جرحت
مش  قادر تسيطر على نفسك وماتجرحنيش
وجاى تقولى من غيرك مش عارف اعيش
انا بقى  بيك وبحبك دا مش عارف اعيش
يافرحتى لما تقولى انك  بتحبنى
وكل تصرف منك بيجرحنى
انا مش عارف انت بتحبنى
ولا بتحب تجرحنى
شكلها  كدا  كل دقه  حب من قلبك  بتجرحى
ان كان كدا معلش ارجوك اكرهنى
اعمل ايه بحبك  لو حبك بيجرحنى
 احب واجرحك  ياحبيبى ابعد عنى
لا فعلا  واضح اتغيرت
يادوب قولتلك  ابعد  علطول فيا جرحت
بتقول انى من غير مشاعر
طب لو عندك انت  مشاعر
ابعد عنى وخليك بيا شاعر
جايز اتعلم منك المشاعر 
انما حبك دا حب من غير مشاعر
والحب مايتسماش حب لو كان من غير مشاعر
وازاى بتكون بتحب حد وانت باحساسه  مش شاعر
دا حب دا ولا تبلد مشاعر

تطور واختلاف الاذواق عبر العصور( مجرد تهييس)

وانا  على الفراش فى اخر ايامى  اتحدث  عن اختلاف وتطور  الاذواق على مر العصور
 كنت وانا شابا مثل كل الشباب نحب ان نسمع اغانى   الفنان  عبده الحامولى  وسلامه حجازى  وصالح عبد الحى وبديعه مصابنى و السلطانه منيره المهديه رحمهم الله   وكانوا فى نظرى اجمل واحلى الاصوات  وكلامهم جميل وله معنى وقيمه   وكنت اشغل اسطونه فى  الجرامافون للسلطانه منيره المهديه رحمها الله  واقول الله عليكى يا سلطانه   عندما تقول ارخى الستاره اللى فى ريحنا لاحسن جيرانا تيجى تجرنا   يامبسوطين يا يا فرحانين يا   كلمات لها معنى جميل وكلمات توعى الناس   انهم لازم يرخوا الستاره علشان الجيران ماتجرحهمش   تحس فى كلامها بقيمه  ومعنى  ولما كبرت كنت استغرب  من جيل الشباب اللى كان بيسمع اغانى الشباب وقتها بتاعت  فريد الاطرش وام كلثوم واسمهان وعبد الحليم رحمهم  الله  بصراحه كانت فى نظرى   اغانيهم لاتسمع  وكنت بقول عليهم بانهم سبب ضياع اللغه العربيه وانحدار الذوق العام  فمثلا ام كلثوم  رحمها الله عندما  غنت لابى فراس الحمدانى رحمه الله  شعره  الذى يقول فيه
  اراك عصى الدمعى شيمتك الصبر اما  للهوى نهى عليك ولا امر
 بلى  انا مشتاق وعندى لوعه  ولكن مثلى لا يذاع له سرا
وكانت تغنى وتقول  فى البيت  الثانى نعم  انا مشتاق وليس بل  
اتهمتها بانها ضيعت اللغه العربيه  فهل السوال المنفى يرد عليه بنعم للرفض
ازاى  يعنى  يكون المعنى  ايوه ليس للهوى  نهى عليا ولا مر و عندى لوعه ولكن مثلى لايذاع له سرا
ايه الكلام دا بوظت المعنى  قلبت لخناقه
ولكن بعد فتره من الوقت اكتشفت اننى   كنت اسمعها من الفنان صالح عبد الحى رحمه الله  بنفس الكلام نعم ولكننى تعودت على صالح عبد الحى  بنفس الخطاء يمكن تكون الحان عبده الحامولى رحمه الله   كانت شدانى ومخليانى  لا ادرك ما اسمع    و بعد فتره تغير ذوقى وبداءت اسمع  كوكب الشرق ام كلثوم  ياسلام عليكى يا ست   وامير الغناء فريد الاطرش والعندليب  عبد الحليم وموسيقار الاجيال عبد الوهاب  رحمهم الله   وكانوا فى نظرى سبب علو الذوق العام وتقدم البلد والتراث الجميل  واعترضت على الاغانى القديمه  اعترضت على بديعه مصابنى رحمها الله  حين اسمعها تقول بس بس نو يا بس بس نو  كل مدى عمال تحلو يا بس بس نو   واعترضت على السلطانه منيره المهديه  عندما تغنى خدنى بيته خلانى حبيته  وحط ايده على جنبى ياليله بمبى واقول ماهذه الخلاعه  والكلام الخارج  دا كلام  وبعد فتره  سمعنا شخصا يدعى عدويه يغنى الكبكشندى ذبح كبشه  يابخت مرقه لحم كبشه  وست دبابيس استدبسناهم من عند المسدبيسين ياترى يامدبس  يامستدبس تقدر تدبس لنا سبع دبابيس  زى اللى دبسناهم من عند المستدبسين
وكان الشباب الجديد بيسمع لهذا الكلام  ويسمع اغانى كتير بشكل ده  وقولنا ازاى الكلام ده يتغنى وما قيمته  واتهمناه بانه  سبب انحدار الذوق العام  وبيبوظ اللغه العربيه  فكيف نعرب هذا الكلام المغنى دا كلام  حد يعرف يعربه ولكنى بعد فتره  تغير ذوقى وبداءت اسمع  الفنان عدويه حين قال زحمه يادنيا زحمه   زحمه وتاهوا  الحبايب  لانه بصراحه كان بيناقش مشاكل البلد وحسيت ان كلامه  له معنى وذات قيمه  عندما تكلم عن الزحمه التى نعيشها  كلمات تعيش  لسنين قدام   وبعد فتره  بداء بعض الشباب يسمع لشباب جديد ظهر  كانوا الفنان محمد فواد و الفنان عمرو دياب والفنان هانى شاكر وعالم كتير وفى الاول ايضا استغربنا كلامهم  فكان محمد فواد مثلا يغنى  فى سكه فى سكه فى سكه   بموسيقى سريعه وغريبه   وعمرو دياب بيغنى هلا هلا  واغانى غريبه كده حتى فى مغنى لم اتذكر اسمه غالبا على حميد باين معلش السن  بقى    غنى لولاكى لولا  لولا  ولكن بعد فتره تغير ذوقى  وبداءت اسمعهم لانهم بردوا كانوا بيغنوا بعض الاغانى ذات معنى  وبعد فتره بداء الشباب يسمع او بمعنى اخر يشاهد  واحيانا يرقص مع اغانى لروبى ونانسى عجرم وهيفا  واليسا وتامر حسنى  وعالم كتير وقلنا عليهم ايضا تقريبا نفس الكلام فى الاول ولكن تغيرت اذوقنا وبدانا نسمع اغانيهم لان بعضها له معنى  وان كان على اللغه فكل مغنى بيغنى بلغه عصره  ولا يعرف شئ عن اللغه العربيه  و احيانا يغنى بدون مايعرف ايه معنى اللى بيغنيه المهم الحاله اللى بيغنيها ايه  يعنى الفنانه شيرين  مثلا فى بدايتها عندما غنت من النهارده مافيش احزان مافيش الوان  عندما سئلوها يعنى ايه مافيش الوان اجابت  اجابه غريبه قالت انها كانت تقصد الاحمر والاخضر والوان   بقى  بالرغم ان من البديهى ان الكاتب كان يقصد مافيش افراح  لان الافراح نعرفها بالاوان والاحزان بالاسود كما تعودنا   ولكن كان ردها يبين انها لم تعرف ما المقصود بيها ولكن هى كانت تغنى حاله معينه بعيدا عن اللغه ومشاكلها   والكنايه والاستعاره  وحاجات الادب ديه  مثل اى مغنى لايهمه الكلمات  اكثر مايهمه الحاله اللى بيغنيها  زى محمد فواد لما غنى كامننا  حد عارف كامننا ديه تطلع ايه  ولا مصنوعه من ايه  لكن هو بيغنى حاله  معينه  وهشام عباس لما بيغنى انتخوا  عادى لفظ متداول
الخلاصه
ان لكل زمن اغانيه الجميله واغانيه الرديئه  بل المطرب الواحد له اغانى جميله واغانى رديئه  وهذه سنه الحياه ولكن السوال لماذا  اصبحنا نقدس المغنين  ونجعلهم ناس لاتمس فعندما يعترض احد على مغنى له شعبيه كانه كفر ماذا حدث كلها اختلاف اذواق  فى ايه مش عارف  بالرغم ان فى ناس اهم من المغنيين المفروض نحترمهم  اكتر  ولكن اصبحنا نقدس المغنيين  لا اعلم لماذا   بالرغم انها اذواق   تختلف عبر العصور ومن واحد الى اخر وليس عقائد  ثابته
والان وانا على فراش الموت  اسمع اغانى العصر لن اقول لكم اننى اسمع ابو الليف لا انا الان اسمع اغنيه
انا شارب سجاره بنى حاسس انى دماغى بتاكلنى قاعد فى  القاعده بسقط  لان ذوقى تغير ورائيت اننا اصبحنا  كمجتمع انتشر فيه المخدرات  اصبح اغنيه سجاره بنى واغنيه حجرين على الشيشه  اغانى قيمه ولها معنى وتعبر عن واقع سخيف اصبحنا فيه  وفكرتنى كلمات الاغنيه باغنيه الفنان القدير سيد درويش رحمه الله حين غنى اغنيه التحفجيه  وقال  ورينا اجدع بيه ولا باشا يقدر يعايب على الحشاشه   ولكن طبعا مع اختلاف الزمن  للاسف هذا العصر ما فيهوش بركه   احنا  كنا بنشترى اسطوانات الجرامافون  ب3 مليم  وكانت الاسطوانه اسطونه  مش دلوقتى شريط   قد كف الايد  او اسطوانه كمبيوتر الصغيره  ديه  اللى بتدفع فيها  مبلغ وقدره  مش اقل  من 10 جنيه كل شئ قل بركته   ما علينا  والان احمد ربنا باننى اتنفس  انفاسى الاخيره  قبل ماذوقى ينحدر اكتر من  كده و اسمع اغنيه  واخد حقنتين  ماكس  لان حالنا كل شويه فى الهبوط  واتمنى ان المجتمع فيما بعد يتحسن حتى نحسن اغانينا
امضاء
مورخ   الاغانى  التى دائما  تعكس  مدى حضاره  كل عصر    
                                                               

الاثنين، 13 ديسمبر، 2010

يوم البوجه احلى الايام

الخلاصه
 تقابلنا وذهبنا الى الحسين بعد صلاه الجمعه  وزرنا  بيت زينب خاتون  وكان يوم جميله من اجمل الايام 
التفاصيل
يوم البوجه  الجزء الاول (مفاجئه ساره  وغياب موثر  واتصلات  ممتعه  )
ذهبت  وعندما وصلت وجد استاذنا  خالد  همس الاحباب (طبعا لو حاولت اكلم عنه  محتاج سنين  لاتكلم على كل صفاته الحسنه  )  واقف منتظر  ثم توافد الينا حسنى المستفذ  توامى كما يقول ههههه جلست معه فى الكافتريا   وذهب استاذ خالد  ليرشد بعض المدونات على مكان الجمعيه عرفت بعد ذلك انهم  الاستاذه كيار والاستاذه سونى  واثناء  انا وحسنى  قاعدين فوجئنا بدخول  اهل اسكندريه علينا  مارو قلب القطه والحب الجميل وبنتها علياء  و عاشقه الرومانسيه  نوروا  الكافيتريا كلها   ثم ظهر استاذ خالد تانى  وبداء توافد  المدونين   وبعد فتره جاءت المفاجئه الساره وهى وصول معشوقه البلوجر الدكتوره ستيته  وكان  وصولها مفاجئه   اسعدت الجميع   واتصل كمان استاذ رامى  ليكسر تاثير غيابه  فى قلوب  المدونين ليتواصل  معانا  بالتليفون ويدخل البهجه علينا  واتصل اخرين من المدونين   ومع كل اتصال تزداد البهجه   وفى نفس الوقت كان لغياب استاذه فاتيما  اثره الموجع فى قلوب  المدونين   حيث ان وجودها  بيصنع طابعا   خاص  لا يقدر احد على وصفه فكان لغيابها اثره الموجع  ثم ذهبنا لنصلى  و مازال المدونين يتوافدون

يوم البوجه  الجزء الثانى (صلاه الجمعه (انا عايز اجيب دبدوب انت عايز ايه ) )
دخلنا نصلى وانا داخل الجامع رايت شيئا يدعى انه شيخ  بذقن ويربط دماغه بلفه يقولون عنها  الصعايده العمه والبعض يقول انه اثر صداع  فى دماغ  هذا الشيخ بالرغم انه كان هو مصدر للصداع وبالطبع لابس جلباب ابيض  فقلت الى حسنى  المستفز  انا مش مستريح لهذا الكائن الذى يدعى انه شيخ  وقال لى استاذ مصطفى الريان  ربنا يستر  ودخلنا نسمع الخطبه ولا اعلم هل كانت خطبه جمعه ام  فيلم رعب من افلام البعد الثالث  المهم دخلنا  وكأننا نسمع موسيقى الديث ميتال معرفش كان بيصرخ كام مره فى الدقيقه    ومن كان ينظر لمصطفى الريان  يدعى ويقول ربنا معاك   اصله كان متنرفز اوى  وانا بصراحه طلعت موبيلى العب لعبه عليه واعرف ان تصرفى خطاء ولكن لو احد تدبس ودخل يسمع هذا الشئ  كان سيفعل اى شى منعنى  مصطفى الريان  من اللعب  فى الموبيل وعنده حق  بصراحه لانى حتى لو كنت لا اريد سماع هذا الصداع فعلى احترم وجودى فى المسجد ولكنى لو لم اكن حاولت انشغالى باى حاجه اثناء هذا الصداع  اى  خطبه  هذا الشئ كان سيحدث لى ماحدث لمصطفى الريان  وكان يتكلم هذا الكائن الذى يدعى انه شيخ واثناء كلامه حرم الدباديب  وكفر من يشتريها  مما جعلنى من خلال طريقته  المستفزه وكلامه السفيه ان اريد انزل صبح وليل اشترى دباديب ولو قعدت  فى البيت اشترى دباديب دليفرى  المهم خرجنا واستغرب الكل من خروج  استاذ مصطفى الريان مبكرا  كان اول من خرج وخرج عصبيا ومتنرفز  اخر مليون حاجه  وخرج يصرخ ويقول ايه ده واحد قاعد يجربك فينا ايه   وخرج   ابوحميد وضياء وشريف  مدونه هجايس  والكل معلقا على هذا الكائن الذى يدعى انه شيخ  وتوافد المدونين واحد يلى الاخر  وقررنا الذهاب الى الحسين 

يوم البوجه الجزء الثالث (حقد وحسد ووصول مبكر )
بدائنا التقسيم  وركبنا السيدات  على اساس مقوله السيدات اولا وظللنا انا وواستاذ خالد وكريم شاب فقرى ومصطفى الريان و حسنى مستفذ  نقول  مين اللى قال ان السيدات اولا ومنا من اراد ان يكون ست  بس يالا  حظوظ هههههههه  المهم  اتجمعنا وركبنا المترو  الى العتبه ومنها على الحسين وكان تاثير حقدنا وحسدنا وصل تاثيره  فوصلنا نحن الاول ههههههههه ثم وصلوا بعدنا وتجمعنا وعرفنا ان الكافتريا  هتفتح متاخر فقررنا نزور بيت الست زينب خاتون

يوم البوجه الجزء الرابع   (جو مرح   وسعاده  بالرغم من نداله صوت من مصر  هههههههههه )
دخلنا بيت الست  زينب  والكل انتشر وكان الجو مرح ولذيذ  
وطلعت انا ومصطفى الريان السطح  وجاء كيمو صوت من مصر  الذى يقول انه على يقين معرفش جابه منين انه هيدخل النار  ليكشف عن ندالته  ويسحب السلم  الذى طلعنا عليه  ويسبنا على السطح  حتى اتى ضياء لنا بالسلم لكى ننزل   وحاولنا الانتقام على بسيط من كيمو صوت من  مصر بس بهزار طبعا ههههه اصل بصراحه بالرغم ان كيمو صوت من مصر  لا يصفه احد الا بكل ما هو قبيح ههههههه ولكن   التجمع ميبقاش له طعم من غيره  والله مش مجامله غالبا الدنيا بتكسب الايام الجميله صفاتها  فلاينفع الايام بدون ناس جميله  وصوت من مصر ههههه المهم وخلصنا البيت وذهبنا الى جاد وتوافد  بعض المدونين  منهم غاده محسن  واخرون ولكن للاسف لم اتعرف عليهم   مع انى كنت اتمنى التعرف عليهم  بس الجايات اكتر  خلصنا وذهبنا للكافتريا بعد مغادرت اهل اسكندريه  واستاذ خالد  الذى ذهب ليوصلهم ثم غادر بعدها

يوم البوجه الجزء الخامس والاخير (تداول الحوار والى اللقاء )
وجلسنا فى الكافيتريا نتداول الحديث منها ماهو جماعى ومنها ماهو ثنائى ومن ها ماهو هو على الاهلى والزمالك الذى كانت تقوده  الاستاذه عبير  حتى  جاء موعد الرحيل فانصرفنا جميعا متفرقين  جميعا لتعزف اوتار الليل  موسيقى الى اللقاء لكل المدونين
الاستاذ احمد سكر
  الاستاذه نسمه هى فو ضى
الاستاذه نهرالحب  ايناس
 الاستاذه ساجى
الاستاذ وليد
الاستاذه   داليا قوس قذح
ولكل المدونين  الذين  ذكرتهم سابقا فى الاحداث
والذين لم اذكرهم بسبب الزهايمر بقى والذاكره الضعيفه
فانا لم اذكر كل الاحداث عسى ان افتكرها واكتبها فى يوم من الايام
واسف للاطاله 





الثلاثاء، 7 ديسمبر، 2010

مجلس الشعب الوطنى الحكومى 2010

يراودى اسئله  كثيره  بخصوص مجلس الشعب الوطنى    هذا العام
اولا   هل سيعقد  فى مكانه ام سيعقد فى مقر الحزب الوطنى ؟؟
مافيش مشكله لما الحزب  الوطنى  يستضيف واحد ولا اثنين  من المعارضه عنده ويعمله  المجلس فى مقر الحزب الوطنى  بدل الشحططه ديه  ولا ايه
ثانيا  فى افلام الخيال العلمى  كنا نسمع ان بيحصل فى هذه المجالس استجواب  لبعض الوزراء مثلا لو عملوا اى حاجه فهل الوزراء  الله اعلم محترمين ولا لا  هيستجوبوا  انفسهم او زملائهم  او اى حد وطنى هيستجوب حد وطنى زيه ؟؟؟؟
غالبا سيمنعون افلام الخيال العلمى ديه
فى كتب الهلوسه اللى كنا بندرسها  درسنا ان مجلس الشعب  هو المسئول عن محاسبه الحكومه فهل الحزب الحاكم سيحاسب حكومته ام ستتغير المناهج  وتلغى كتب الهلوسه ديه ؟؟؟؟
الله اعلم
بصراحه انا مستغرب   ازاى الحزب الحاكم يرشح نفسه فى انتخابات مجلس الشعب اساسا
هو مجلس الشعب  هيبقى مجلس الحكومه   مقر الحكومه طب وظيفته هتبقى ايه طيب ؟؟؟؟
الغريب انهم يضحكون علينا  ويسمون  اللى  المفروض يعملوه   للبلد  ببرنامج  الحزب الوطنى  فى الانتخابات
مسخره
والغريب  ايضا فى برنامج  مناظره  الاحزاب اللى كان بيجى كل واحد واحد بيقول برنامجه الانتخابى  وعم بطرس غالى وزير الماليه بيقول  انتخبوا اللى عنده برنامج ويقدر ينفذه   وكان نفسى اسئلهم فلوس الحزب الوطنى اصلها منين اللى بيتم بيها تنفيذ البرنامج بتاعه وفلوس الاحزاب الاخرى منين اللى تنفذ البرنامج بتاعهم
الحزب الوطنى ياخذ من الشعب  لينفذ مشاريع  يزعم انها انجازات الحزب   بالرغم ان الحكومه مسئوله تنفذ المشاريع ديه لحفظ ماء وجهها بعد  جمع الامواله من الشعب   المناظره ديه تنفع لو هى كانت انتخابات رئاسيه  مش مجلس شعب
بالمناسبه بعد المهزله بتاعه الانتخابات ديه  مين  عنده شرعيه  ال 5%   من المقاعد فى الشعب والشورى والمحلى   الجزء بتاع ماده 76 ده عشان يرشح حد فى انتخابات الرئاسه القادمه  اه صحيح مافيش غير الحزن الوطنى  يعنى المحروس بتاع الحزن الوطنى هينجح بالتذكيه  اهلا بالحزب الحاكم   ربنا ياخذهم  جميعا 
صحيح بالمناسبه صاحبى  محمد ابر اهيم اللى كان راح انتخب بيعتقد ان الاحكام الصادره   ببطلان الانتخابات هتنفذ بس بعد ما جمال مبارك يمسك الحكم  عشان الناس تقول انه  بيحب الديمقراطيه وانه راجل صح   عشان هو هيحتاج فى بدايه حكمه حاجه زى كده زى ما كل رئيس  بيحتاج اول ما يمسك انه يفرج عن المعتقلين السياسيين   عشان الناس تصقف  له  وتقول انه راجل بتاع ديمقراطيه وطبعا فى نهايه حكمه بيبقى فى معتقليين بردوه عشان اللى بعده يفرج عنهم  هى وجهه نظر  بردوه بس ما لو كان  كده  طب يعنى هى المعتقلات فاضيه ولا ايه  ولا عشان هو ابن الرئيس  محتاج حاجه تانيه  زياده عشان الناس تصقف له    يعنى  ديمقراطيه كماله   زى الكشرى يمكن   الله اعلم  اهى كلها وجهات نظر

سوال اخير سئله صاحبى محمد  ومعرفتش ارد عليه   هى القوانين اللى هيقرها المجلس  فى الفتره بتاعته ديه اى هيكون موقفها والمجلس باطل اساسا  ؟؟
حد عارف  حاجه ؟؟؟؟؟؟؟؟؟


كل سنه وانتم طيبين


كل سنه وانت طيبين

و سؤال السنه  الهجريه الجديده

هو احنا بقينا سنه كام هجرى ؟ 

الأحد، 5 ديسمبر، 2010

حوار على الشات مع منتخب سابق



nono hihi: اخبار الانتخابات ايه
amr: الله اعلم
nono hihi: الانتخابات محديش سمع عنها حاجه
amr: شكاوى بس
nono hihi: هههههههههههههههههه  انا نفضت ومحبتش اسمع عنها اخبار ولا جبت التليفزيون المصري خالص
amr: روحت انتخبت
nono hihi: اروح هي ناقصه اخر مره في حياتي  اروح انتخابات في مصر
nono hihi: لو خدت الجنسيه الاسرائيليه ابقي اروح انتخب هناك ارحم
amr: هههههههههههههههه
nono hihi: مع انها الدايره بتاعتي ماكتش فيها حاجه بس قراري علي شفته في الانتخابات في مصر بشكل عام
 وفي دايره شبرا الخيمه انا شفت حاجات يشيب لها الوجدان
 التزوير  عيني عينك
amr: احكى
nono hihi: الورق الي كان متعلم عليه لصالح مرشح الاخوان مرمي بره اللجنه
nono hihi: وجبات كنتاكي للمراقبين
nono hihi: ومنع مندوبي مرشح الاخوان من دخول اللجان
nono hihi: وواحد يقف علي راسك لغايه اما يطمئن انك تنتخب الحزب الوطني
amr: ايه تانى
nono hihi: يوووووووه
nono hihi: امن الدوله جوه اللجان
nono hihi: وسيبك من ده كله
nono hihi: المحكمه بتاع الادرايه ابطلت الانتخابات في دايرتنا
nono hihi: واعادتها من اول وجديد
nono hihi: وبرضه مش عاوزين ينفذه الحكم
amr: الكلام دا للنشر
nono hihi: يعم ماهو في كل المواقع
nono hihi: بقولك ايه
amr: اوكى انا هاخد نسخه من الشات واضعه فى المدونه
nono hihi: انا لو حصلي حاجه مش اسيبك
amr: انا بكلم جد
nono hihi: وانا كمان بكلم بجد
nono hihi: انتا موذي كده ليه
amr: فيها حاجه لو اخذت نسخه من الشات ده  وواضعه فى المدونه
amr: زى ماهو
nono hihi: انشر بس اكتب م ا
nono hihi: او اقولك اكتب محمد ابراهيم
amr: انا هاخد نسخه يعنى nono hihi
nono hihi: يسلام
nono hihi: ماشي
amr: موافق
nono hihi: موافق
nono hihi: بس حريتي امانه بين رقابتك
amr: ربنا يستر
nono hihi: اجيب سيرتك في التحقيق
amr: هههههههههه ماتخفش  سيرتى  موجوده خلقه

السبت، 4 ديسمبر، 2010

رساله على الميل اعجبتنى


مسمــار جحــا
الجـزء الحادي عشـر

تعبيريات
لو فتحت جريدة وشوفت صورة للرئيس أوباما وأحمس وشارون وقائد الهكسوس بيناقشوا عملية السلام يبقى حاجة من اتنين، يا اما انت بتحلم، او بتقرا جريدة قومية
*******
الحزب
بعد إنتاج التلفزيون المصري مسلسل: الجماعة.. متهيألي المصريين كلهم عندهم استعداد يشاركوا في اكتتاب عام لإنتاج مسلسل ضخم بعنوان: الحـزب
*******
ترشيد الكهرباء
الحكومة قررت ترشيد الكهرباء وتقليل الإضاءة في الشوارع وقالتلك إيه لازمة التكاليف طالما: مصر منورة بأهلها
*******
قصرية البانجو
صرح مسئول بارز بوزارة الثقافة بأنه سيتم بشكل مؤقت ولحين العثور على لوحة (زهرة الخشخاش) عرض اللوحة النادرة (قصرية البانجو) بدلاً منها
*******
محافظ القليوبية
 محافظ القليوبية بيقول ان انقطاع الكهرباء والمياه وارتفاع الاسعار تضاعف من ثواب الصائم.. يااااه واحنا اللي كنا ظالمين الحكومة وفاهمينها غلط
*******
مين يقدر؟
يبدو انه فى مصر لا توجد محاسبة إلا فى كلية التجارة
*******
استطلاع الوطني
في استطلاع للحزب الوطني: مفيش أي زيادات في الأسعار والبطالة انخفضت و20% من الأسر مستوي معيشتها أرتفع.. هما امتى هيسيبوا الدول التانية ويتكلموا عن مصر شوية؟؟
*******
اعمل إيه
ياترى لو مسكوا ولي أمر معاه 5 كتب خارجية.. هيتحبس اتجار ولا تعاطي؟
*******
تعالو نفكر
 الصورة المفبركة طلعت صورة تعبيرية وعقد مدينتي الفاسد اتضح انه خطأ اداري.. تفتكروا انتخابات مجلس الشعب الجاية هيتقال عليها ايه؟
*******
زكاة الفطر  
 تسهيلا على المواطنين قررت الحكومة نشر قائمة بأسماء المواطنين غير المستحقين لزكاة الفطر حيث بلغ عددهم 187 فرد
*******
الزمالك المسكين
 رئيس الزمالك بيطالب محبي النادي بالتبرع علشان يدي شيكابالا 6 مليون في السنة وفتح الله 3 وهانى سعيد 3.. أجيب شعر منين تاني عشان أشد فيه؟
*******
شكراً
 الحكومة بتقول شكرا لـ 80 مليون مصري لسه قادرين يعيشوا فى مصر
*******
عيد ميلاد 
ملكة بريطانيا لغت حفل عيد ميلادها مراعاة لشعور شعبها اللي بيعاني من أزمة أقتصادية.. أكيد دي لو في مصر كانت زمانها انتحرت
*******
من اجلك أنت
متر مدينتي بنص جنيه وكيلو الطماطم بعشره جنيه..... من أجلك أنت
*******
الكتاب الخارجي
اليومين دول، لو عاوز تلبّس حد مصيبة حطّله كتاب خارجي في شنطة العربية وبلّغ عنه
*******
بدر والكتاب 
وزير التعليم بيقول "الكتاب الخارجي يقتل في الطالب روح التعلم والإبتكار".. طب ماالكتاب المدرسي بيقتل الطالب نفسه
*******
قمر تايه
 المفروض يتم نشر صورة القمر المصري المختفي علشان اللي يلاقيه يتعرف عليه ويرجّعه لأهله
*******
سواقين الميكروباص 
خبر سار لكل سواقين الميكروباص والتوك توك.. تقدر دلوقتى تفوّل التنك من النيل مباشرة بعد تسرب مئات الأطنان من السولار في مياه النيل بأسوان وده بس بمناسبة العيد.. وكل سنة وانتو طيبين
*******

من د.طارق فاروق


الخميس، 2 ديسمبر، 2010

بتخلص من عقدى

بتخلص من عقدى
عندما  اكتبها   على الورقى
اتغير مع كل كلمه يخطو بها قلمى
وقد يكون هذا سرى
ابوح بما فى داخلى وسط كتاباتى
فيصفى  ذهنى وتنحل عقدى
وقد يظهر هذا على سلوكى
 ويظل قارئ  كتاباتى لا يعرف  ماهى عقدى
الا من يقراء كتاباتى  ويتابعنى
ويعرف مدى التغير فى سلوكياتى
وقد يتوه هو ايضا ولا يفهمنى
فليس كل كتاباتى عن عقدى
وليس كل تغير فى سلوكياتى
ناتج عن تخلص من احدى عقدى
 وليس دائما يكون التغير فى الظاهر من سلوكياتى
فقد يكون التغير فى المخفى من افعالى وسلوكياتى
فليس كل افعالنا ظاهره للكل فمنها ماهو مخفى
ولكنى اتحسن دائما بعد كتاباتى
لانها دائما مجرد فضفضه عن افكارى
اكتب احيانا جزء من حياتى
وابحث فيه عن حل لالغازى
وكانها ليست الغازى
فمنها من ينحل ومنها من ينتظرنى
ان اتغير اواعلم  معلومه او قدر يصدمنى
  

   

Follow by Email

Tetris